Azərbaycan, Bakı / Trend , müxbir İ.Xəlilova / Çərşənbə axşamı Almaniyanın KFW Bankının Bakı ofisinin rəhbəri Natiq Abdullayevin verdiyi məlumata görə, bank Azərbaycan hökuməti ilə ölkədə Kredit-Təminat Fondunun (KTF) fəaliyyəti ilə bağlı danışıqlara başlayır. Maliyyə və iqtisadi inkişaf nazirləri ilə danışıqlar dekabrın 4-12-də bankın maliyyə layihələri üzrə meneceri Mixail Yaintsikin Bakıya səfəri çərçivəsində keçiriləcək.
Abdullayev hesab edir ki, KTF fəaliyyətə 2008-ci ilin əvvəlində başlaya bilər. Bank Azərbaycan hökumətinə Fondun məsləhətçisi qismində,bu sahədə Almaniyanın təcrübəyə malik beynəlxalq əməkdaşlıq üzrə əmanət kassasının, eləcə də, kreditlərinin KTF vasitəsilə təminat veriləcəyi bankların cəlb edilməsini təklif edib. Birinci mərhələdə KFW bank-agentlər qismində Almaniya-Azərbaycan Fondunun tərəfdaşları olan bankları cəlb etməyi təklif edir, bu banklara "Bank of Baku", "Bank Respublika", "UniBank", "Para Bank", "Azerdemiryolbank" və "Azerigazbank" daxildir.
İrəli sürülən təkliflərlə bağlı razılıq hələ əldə olunmayıb, lakin ofis rəhbəri əmindir ki, Yaintsikin Bakıya səfəri zamanı Azərbaycan tərəfinin mövqeyi müəyyən olunacaq.
KFW Kredit-Təminat Fondunun yaradılmasına 4 mln. avro ayırıb. Almaniya bankının Bakı ofisinin rəhbərinin verdiyi məlumata görə, Azərbaycan banklarının müraciət etdiyi təqdirdə, məsləhətçi bu banklarda yoxlamalar aparacaq və KFW qarşısında təminatla çıxış edəcək.
Azərbaycan bankları beynəlxalq banklardan Almaniya bankının kreditləşməsi şərtləri ilə kredit götürə bilərlər. KFW-nin təmiantının cəlb edildiyi təqdirdə, banklar 1 borc götürənə 150 min avrodan çox məbləğdə kredit verə bilməz.
