Azərbaycan, Bakı/ Trend müxbir S.Babayeva/ Cümə günü Almaniya hökumətinin nümayəndələri Azərbaycanın ÜTT-yə qəbulu çərçivəsində həyata keçirilən, ölkənin sanitar və fitosanitar nəzarət sisteminin təkmilləşdirilməsi üzrə texniki kömək layihəsini bitirdiklərini bildiriblər. "Bu layihənin reallaşdırılması ilə Azərbaycan Ümumdünya Ticarət Təşkilatına daxil olmaq yolunda vacib addım atıb" cümə günü layihə qrupunun rəhbəri, Almaniyanın İstehlakçıların Müdafiəsi, Ərzaq və Kənd Təsərrüfatı üzrə Nazirliyinin nümayəndəsi Rudiqer Ost məlumat verib. Bir illik layihənin reallaşdırılması nəticəsində Azərbaycanın Kənd Təsərrüfatı Naziriliyi ilə birgə ölkə qanunvericiliyinin baytarlıq və fitosanitariya üzrə ÜTT tələblərinə uyğunluğu analiz və müzakirə edilib. Ekspertlər baytarlıq və fitosanitariya laboratoriyalarının maddi-texniki bazasının, kadrların qiymətləndirilməsini aparıblar. Qiymətləndirmənin nəticələrinə görə, Kənd Təsərrüfatı Nazirliyi ölkə hökumətinə "2008-2010-cu illərdə Azərbaycanda heyvan və bitki mənşəli ərzaqların təhlükəsiziliyinin təmin edilməsi üzrə inkişaf proqramı" təqdim edib. Bunula yanaşı, Kənd Təsərrüfatı Naziriliyi nəzdində əsas funksiyası ÜTT-yə sanitariya, fitosanitariya, ərazaq üzrə lazımi normativ-hüquqi sənədlərin təqdimi və prosesin şəffaflığını təmin etmək olan informasiya mərkəzi yaradılıb. Layihənin reallaşdırılması üçün Alman Texniki Yardım Cəmiyyəti (GTZ) 50 min avro həcmində vəsait ayırıb. Bu vəsaitlər ekspertlərin xidmətlərinə, layihəyə yönəldilib.
...