Azərbaycan, Bakı / Trend , müxbir U.İsmayılova/ Dünya Bankı (DB) "Azərbaycanda pensiya və sosial təminatın idarə olunması sisteminin təkmilləşdirilməsi" üzrə layihənin nəticələrindən razıdır. Bu barədə çərşənbə günü Bakıda layihənin reallaşdırılmasına həsr olunmuş beynəlxalq konfrans zamanı DB-nin insan resurslarının inkişafı sahəsində Cənubi Qafqaz üzrə koordinatoru Aleksandr Posarak bildirib.
Artıq dörd ildir ki, Azərbaycanda həyata keçirilən layihə 2008-ci ildə başa çatacaq. Layihənin dəyəri 10 mln. dollar təşkil edir. Bu vəsaitin 5 mln. dolları Əhalinin Sosial Müdafiəsi Fondu, 5 mln. dolları isə Azərbaycanın Əmək və Əhəlinin Sosial Müdafiəsi Nazirliyi tərəfindən reallaş dırılır.
Posarakın sözlərinə görə, layihənin əsas istiqaməti Azərbaycanda pensiya təminatı sistemində effektivlik və şəffaflığın yaxşılaşdırılmasıdır.
"Azərbaycanda bu layihənin həyata keçirilməsi nəticəsində fərdi qeydiyyat sistemi yaradılıb və ünvanlı sosial yardım tətbiq edilib. Bu o deməkdir ki, Bank tərəfindən qarşıya qoyulan məqsədlərə nail olunub" - deyə o bildirib.
