Azərbaycan, Bakı/ Trend , müxbir S.Babayeva/ 2015-ci ilədək Azərbaycanda aqrar sferanın inkişafı strategiyasını yaxın vaxtlarda hökumətin təsdiqləyəcəyi gözlənilir. Bu barədə cümə günü Kənd Təsərrüfatı naziri İsmət Abbasov məlumat verib. Sənəd Nazirlər Kabinetinə təqdim edilib və müvafiq orqanlar artıq sənəd haqqında öz rəylərini bildiriblər. Strategiyanın reallaşdırılması üçün vəsait mənbələrinə dair suala toxunan nazir, hər il dövlət büdcəsindən aqrar sferanın ayrı-ayrı layihələrinin maliyyəşdirilməsi üçün vəsait ayrılacağını bildirib. Abbasov toxumçuluq sahəsinin inkişafına üç il müddətində 26 mln. manat vəsait ayrılacağını proqnozlaşdırır.
...
