Azərbaycan, Bakı / " TrendCap ", müxbir Ü.İsmayılova/ İqtisadi Araşdırmalar Mərkəzi QHT-nin cümə günü yaydığı məlumatda bildirilir ki, 2008-ci ildə ölkədə iqtisadi artım tempi bu ilə nisbətən aşağı düşsə də, Azərbaycan sonuncu dəfə Ümumi Daxili Məhsulun (ÜDM) artım tempinə görə, Cənubi Qafqaz və Mərkəzi Asiyada liderliyini saxlaya biləcək.
ÜDM-in formalaşmasında ABƏŞ-in rolu 2208-ci ildə 57 faizə catacaq. "Azəri-Çıraq-Günəşli" dəniz yataqları blokunda neft hasilatı ilə məşğul olan ABƏŞ əsas xammalı "Bakı-Tbilisi-Ceyhan" kəməri ilə ixrac edir. İl ərzində neft və qaz mənfəətinin repatriasiyası (geri qaytarılması) son dövrlərin ən yüksək həddinə çataraq, 7 milyard ABŞ dollarını ötəcək.
2008-ci ildə artımın ən yüksək tempi rabitə sahəsində gözlənilir ki, bu da həmin sahənin imkanlarının genişləndirilməsi ilə əlaqədar olacaq.
"Emal sənayesi, tikinti və nəqliyyat , ən yaxşı halda, sabit səviyyədə qalacaq" - deyə məlumatda bildirilir.
2008-ci ildə manatın möhkəmlənməsi inflyasiyanın artmasında, eləcə də, ixrac potensialının genişlənməsində mühüm rol oynayacaq.
2008-ci ildə "vahid pəncərə" sisteminin tətbiqi fəaliyyətə yeni başlayan biznesmenlərin xərclərini azaldacaq, bu da Azərbaycanın beynəlxlaq səviyyədə reytinqinin artmasına gətirib çıxaracaq.