Azərbaycan, Gəncə, 11 yanvar / , müxbir V.Məmmədov/ Bu il "Aqrolizinq" ASC Gəncə Avtomobil Zavodundan (GAZ) 148 traktor alacaq. Bu barədə zavodun direktoru Xanlar Fətiyev məlumat verib. O, traktorlar təhvil verildikdən sonra bu rəqəmin artacağını istisna etməyib.
Fətiyevin sözlərinə görə, zavodun 20 min kvadratmetr sahəsi istehsala tam hazırdır. Zavod il ərzində 3500-4000 ədəd traktor, 1700-2000 ədəd isə "MAZ" markalı avtomobil istehsal etmək qabiliyyətinə malikdir.
2007-ci ildə zavodda 426 ədəd 6 modeldə "Belorus" traktoru yığılıb. Onlardan 377-si "Aqrolizinq" ASC-nin sifarişi ilə olub. Bundan başqa, ötən il zavoda 74 ədəd 6 modeldə "UAZ" markalı avtomobil, 9 ədəd 3 modeldə "MAZ" markalı ağırtonajlı avtomobil yığılıb.
