Azərbaycan, Naxçıvan/ Trend , müxbr E.Məmmədov/ 2007-ci ildə Naxçıvan MR-da 118 vergi orqanlarında uçotdan yayınma halı aşkarlanıb. Bu barədə Naxçıvan Muxtar Respublikası Maliyyə Nazirliyində keçirilən kollegiya iclasında nazir Əli Mahmudov məlumat verib.
O bildirilir ki, ötən il Naxçıvan MR üzrə 639 obyektdə operativ vergi nəzarəti tədbirləri həyata keçirilmiş, 637 obyektdə nöqsan aşkar edilərək 44 min 340 manat cərimə tətbiq edilmişdir. O cümlədən əhali ilə pul hesablaşmalarının aparılması qaydalarına nəzarət işləri üzrə 92 nəzarət işi aparılmış, bunlardan 90 vergi ödəyicisində nöqsan aşkar edilmiş və 30 min 400 manat maliyyə sanksiyası tətbiq edilmişdir.
Həmçinin 2007-ci il ərzində vergi orqanlarında uçotda durmayanların aşkar edilməsi üzrə 118 nəzarət işi aparılmış, onların hamısında nöqsan aşkar edilərək 5 min 220 manat maliyyə sanksiyası tətbiq edilmişdir.
Nazir onu da bildirib ki, 2007-ci ildə Vergilər Nazirliyi üzrə 196 hüquqi şəxsə və 2034 fiziki şəxsə--cəmi 2230 vergi ödəyicisinə vöen verilərək uçota alınmışdır.