Azərbaycan, Bakı, 06 fevral / Trend , müxbir İ.Xəlilova / Kənd yerlərinin 5 mln. avro dəyərində aqromaliyyələşməsi layihəsi çərçivəsində cəlb edilən Azərbaycanın səlahiyyətli kredit təşkilatları ilə danışıqların aparılması üçün apreldə Almaniyanın "KfW" İnkişaf Bankının missiyasının Bakıya səfəri gözlənilir,- çərşənbə günü "KfW"nin Bakı ofisinin rəhbəri Natiq Abdullayev deyib. Onun sözlərinə görə, səfər zamanı müqavilələr müzakirə ediləcək, lakin imzalanma birinci yarımil ərzində gözlənilir.
"KfW" iki-üç tərəfdaş cəlb edir, onların arasında bank və qeyri -bank təşkilatları var. Almaniya bankı onlara subordinasiya edilmiş kreditləri vermək niyyətindədir. Baxmayaraq ki, bu kreditlər ikinci səviyyə kapitalına verilir, lakin onların vəsaitləri kənd əhalisinin kreditləşməsi üçün nəzərdə tutulub.
Bu mərhələdə Şəki-Zaqatala və Qazaxın kənd yerləri əhatə olunacaq.
Kreditin şərtləri Almaniya-Azərbaycan Fondu vasitəsilə bankların maliyyələşməsi şərtləri ilə oxşar olacaq.
