Azərbaycan, Bakı, 08 fevral / Trend , müxbir S.Babayeva / 2007-ci ildə Naxçıvan Muxtar Respublikasının (NMR) 184,7 min iqtisadi fəal əhalisinin 179,1 min nəfəri işləyib, NMR-in Bakıdakı daimi nümayəndəliyindən bildirilib.
"İl ərzində Muxtar Respublikanın Məşğulluq İdarəsi orqanları tərəfindən 2010 nəfər işlə təmin olunub" - NMR nümayəndəliyindən deyiblər.
NMR-də işsizlik üzrə orta ümumi vəsait 51,5 manat təşkil edib, bu da iqtisadiyyatda məşğul olan əhalinin aylıq otra əmək haqqının 33,5 faizini təşkil edir.
Ümumilikdə 2003-cü ilin oktyabrından 2008-ci ilin yanvarınadək NMR-də 30,6 min yeni iş yeri, o cümlədən 19,2 min daimi iş yeri açılıb. Təkcə 2007-ci ildə 5827 iş yeri açılıb. Bunun təxminən 32 faizi dövlət sektorunun və 68 faizdən çoxu isə özəl sektorun payına düşür.
