Azərbaycan, Bakı, 12 fevral / Trend , müxbir İ.Xəlilova / "SOA Credit" qeyri-bank kredit təşkilatının (ötən ilədək "Shore Overciese Azerbaijan" adlanıb) 75 faiz iştirakçı payının Gürcüstanın "TBC Bank"ın almasına dair razılıq fevralın 14-də baş tutacaq, - çərşənbə axşamı kredit təşkilatından bildirilib. Sövdənin imzalanması nəticəsində, Gürcüstan bankı "SOA Credit"in əsas kapitalına $7,5 mln. investisiya yatıracaq.
İmzalanma mərasimində iştirak etmək üçün "TBC Bank"ın Müşahidə Şurasınının səhmdarı və üzvü Badri Caparidze, "TBC Bank"ın Baş direktoru Vaxtanq Butsrikidze,
"Shorebank International"ın prezidenti Lori Spenqler respublikaya gəlirlər.
"TBC Bank" "SOA Credit"i Azərbaycan müştərilərinə istehlakçı və ipoteka kreditləri, o cümlədən, kiçik və orta sahibkarlığın inkişafı üçün kredit daxil olmaqla, müxtəlif maliyyə xidmətləri və məhsulları təklif edə biləcək maliyyə institutuna çevirmək niyyətindədir. "SOA Credit"də hesab edirlər ki, bu müqavilə ona müxtəlif mənbələrdən əlavə maliyyələşmə imkanı yaradacaq, bu da, öz növbəsində, şirkətin inkişaf tempini artıracaq.
"TBC"nin Azərbaycanda fəaliyyəti iki ölkə üçün iqtisadi inteqrasiya prosesinin təbii nəticəsidir, - bankın Müşahidə Şurasının sədr müavini Badri Caparidze deyib. "Əsas fakt odur ki, Gürcüstan bankının tərəfdaşı "Shorebank" maliyyə institutudur, onun Avropa və Asiya ölkələrinin maliyyə institutlarına texniki yardım təcrübəsi, bizim əməkdaşlığımızın uğurlu olacağına təminat verir", - o bildirib.
"TBC"nin səhmdarlarından olması nəticəsində, "SOA Credit"in Nizamnamə kapitalı $10 mln.-dək artıb. Başlanğıcda, kredit təşkilatının kapitalı, ABŞ-ın Beynəlxalq İnkişaf üzrə Agentliyinin (USAID) "Shore Overciese Azerbaijan"a fəaliyyətinin başlanğıc mərhələsində verdiyi qrantların və qrant ehtiyatlarının işlədilməsi nəticəsində yığılması hesabına $2,5 mln. dəyərində formalaşıb.
"TBC Bank"ı daxil olmazdan əvvəl, "SOA Credit"in 100 faizlik təsisçisi Amerikanın "Shorebank" qrupuna daxil olan, "Shorebank International" beynəlxalq konsaltinq firması olub.
Ötən ilin yekununa görə, "SOA Credit"in aktivləri $10,5 mln. təşkil edib, "TBC Bank"ın aktivləri isə $1 mlrd.-ı ötüb. "TBC Bank" 2000-ci ildə beynəlxalq reytinq alan ilk Gürcüstan bankıdır və hazırda "Fitch Ratings" versiyası üzrə B+ reytinqinə malikdir.
"TBC Bank"ın əsas sahibkarları - Beynəlxalq Maliyyə Korporasiyası (DB qrupuna daxildir), Almaniyanın "DEG"i və Gürcüstan vətəndaşlarıdır.
Müəlliflə əlaqə saxlamaq üçün elektron ünvan - [email protected]
