Azərbaycan, Bakı, 14 fevral/ " müxbir Ü.İsmayılova/ TBC Bank Azərbaycan iqtisadiyyatında öz iştirakını genişləndirmək niyyətindədir. Bu barədə cümə axşamı Bakıda TBC Bank-ın idarə heyətinin sədri Badri Caparidze məlumat verib.
"Biz Azərbaycana öz biznesimizin gələcək inkişafı üçün ciddi investor olduğumuzu göstərmək üçün SOA Kredit-in fəaliyyətini genişləndirmək niyyətindəyik", - Caparidze bildirib.
ShoreBank International (ABŞ) və TBC Bank (Gürcüstan) şirkətin əsas kapitalına əlavə investisiyalar yolu ilə, bank olmayan kredit təşkilatı SOA Kredit-in 75 faizini (7,5 mln. dollara) alıblar. Şirkətin Nizamnamə kapitalı $10 mln. təşkil edir. Əvvəllərbu göstərici $2,5 mln. olub.
Caparidze bildirib ki, bankın yaxın üç ildə SOA Kredit-in inkişafı üzrə planlarına Bakı və ölkənin digər regionlarına təqribən 25 filialın açılması, 2008-ci ilin sonunadək portfelin üç dəfə artırılması (bu gün $11 mln. təşkil edir), həmçinin, kredit xidmətlərinin göstərilməsi daxildir.
TBC Bank SOA Kredit-i Azərbaycan müştərilərinə, ipoteka kreditləri də daxil olmaqla, müxtəlif maliyyə xidmətləri və məhsulları, həmçinin, kiçik və orta sahibkarlığın inkişafı üçün kreditlər təqdim edə biləcək güclü maliyyə institutuna çevirmək niyyətindədir.
Kreditlərin maliyyələşdirilməsi üçün vəsaitlər gürcü TBC Bank-ın tərəfdaşları olan Asiya və Avropa maliyyə institutlarından cəlb ediləcək.
Caparidze əlavə edib ki, SOA Kredit bütün ümidləri doğrultduqdan və iri kredit təşkilatı olduqdan sonra, TBC Bank şirkətin bank təşkilatına çevirlməsi üçün Azərbaycan Milli Bankına müraciət etmək niyyətinədir.
Məqalə müəllifinin ünvanı: [email protected]