Azərbaycan, Bakı, 15 fevral / Trend , müxbir İ.Xəlilova / Küveyt Maliyyə Evinin (Kuwait Finance House) Müşahidə Şurası, "Azərbaycan İnvestisiya Şirkəti" (AİŞ) SC ilə investisiya strukturunun yaradılması birgə layihəsinə $15 mln. birinci investisiya ayrılması haqqında qərar qəbul edib, - AİŞ icraçı direktorunun müavini Riad Qasımov deyib.
Onun sözlərinə görə, ilk iki il ərzində Şirkətin kapitalı $20 mln. dəyərində formalaşacaq, bundan AİŞ-in iştirakçı payı $5 mln. təşkil edəcək.
"Biz gözləyirik ki, AİŞ Müşahidə Şurasının yaxın iclasında bu vəsaitin ayrılması məsələsi müzakirə ediləcək", - Qasımov deyib.
Bu arada, layihələr üzrə "KFH" ilə danışıqlar aparılır. AİŞ müdir müavini hesab edir ki, perspektiv layihələr çoxdur, lakin islam strukturlarının iş xüsusiyyətlərini nəzərə alaraq, elə layihələr var ki, onlar baxa bilmirlər.
"Biz gözləyirik ki, bu strukturların kifayət qədər çevik sistemi olacaq və yaranan şirkət ilkin mərhələdə layihəni 100 faizədək maliyyələşdirməyə hazırdır, sonradan isə, hissəsini sata bilər", - Qasımov deyib.
İslam strukturları hər zaman kənd təsərrüfatı, infrastrukturlar, logistika, nəqliyyat sahələri layihələrində maraqlıdır, bu səbəbdən də Küveyt Maliyyə Evi ilə bu istiqamətlərdə daha çox işləməyi planlaşdırılır.
AİŞ, minoritar səhmdarlar qismində çıxış etmək niyyətindədir, əsas kapital isə, Azərbaycana xarici investordan gələcək. AİŞ və KFH arasında birgə Fondun yaradılması 2007-ci ilin mayında imzalanan niyyətlər haqqında memorandum əsasında nəzərdə tutulur. Onun vasitəsilə Azərbaycanda birgə investisiya layihələri həyata keçiriləcək.
Razılığa əsasən, AİŞ yeni təşkilatın səhmlərinin 25 faizini, KFH - 75 faizini əldə etməyi planlaşdırır. Memorandumda nəzərdə tutulan, həyata keçirilən tədbirlər nəticəsində, Azərbaycanda investisiya şəraitinin inkişafı və daha çox biznes-layihələrin həyata keçirilməsi üçün şərait yaradılacaq.
Müəlliflə əlaqə saxlamaq üçün elektron ünvan - [email protected]
