Azərbaycan, Bakı, 19 fevral/ " müxbir S.Əliyev/ Rusiyanın "Krasnoe Sormovo" (Nijniy Novqorod) gəmiqayırma zavodunda Azərbaycan Dövlət Xəzər Dəniz Gəmiçiliyinin (ADXDG) yeni tankerinin tikintisi ilin sonunadək başa çatacaq. Bu barədə çərşənbə axşamı gəmiçilikdən məlumat veriblər.
XDG və Nijniy Novqorod zavodu arasında dedveyti 13 min ton olan tankerin (layihə 19619) tikintisi üçün müqavilə imzalanıb. 19619 layihəli tanker çay-dəniz sinfinə aid edilir, on iki yük və bir durulducu tanka malikdir, ikiqat bortlarda və dibdə ballast bölmələrinə malikdir. Onun uzunluğu 150 m, eni 17,30 m, bortunun hündürlüyü 10,5 m, dedveyti 13 min tondan çoxdur. Bu, gəminin Xəzərdə liman terminallarının əlavə avadanlıqla təchiz edilmədən azad istismarı üçün maksimumdur. Gəmi limandan kənarda20 gün üzə bilər.
Gəmi xam neft və neft məhsullarının daşınması üçün nəzərdə tutulub. Bir reysdə bir neçə növ neft məhsullarının eyni vaxtda yüklənməsi imkanı nəzərdə tutulub.
XDG ilə ilk tankerlər üçün müqavilə 2002-ci ildə bağlanıb, 2006-cı ilə "Prezident Heydər Əliyev", "Babək", "Şah İsmayıl Xətai", "Koroğlu", "Dədə Qorqud "tankerləri sifarişçiyə verilib və hazırda Xəzərdə istismar edilirlər. 2006-cı ildə Safinat An-Najaat Shipping Company Limited. şirkəti üçün "Mahmud Əfəndi" tankeri tikilib. İki tanker- "Masallı" və Ağdaş" Palmali Group gəmiçilik şirkətinə verilib. "Palmali" üçün üçüncü tanker 2008-ci ilin oktyabrına tikiləcək.
Xəzər dəniz dəmiçiliyi iri gəmiçilik şirkətidir. Əsas fəaliyyət növü, neft və neft məhsulları üstünlük təşkil etməklə, yüklərin daşınmasıdır. Üzmə rayonları Xəzər, Qara, Aralıq, Mərmərə dənizləridir. Xəzər gəmiçiliyinin Qara dəniz-Azov hövzəsində işləyən gəmiləri əcnəbi kirayəçilərin yüklərinin Avropa, Yaxın Şərq və Şimali Afrika limanlarına daşınmasını həyata keçirir.
Dəniz və neft-qaz layihələri şirkətləri qrupu (MNP Qrup) gəmi tikintisi və dəniz- qazma platformalarının injinirinqi sahəsində layihələrin idarəsini həyata keçirən şirkətdir. Qruza Krasnoe Sormovo (Nijniy Novqorod), Volqoqrad gəmi tikintisi zavodu, Soromovo maşınqayırma, Volqoqraf xüsusi maşınqayırma zavodu, həmçinin, Friede & Goldman (ABŞ) daxildir.
