Azərbaycan, Bakı, 21 fevral / Trend , müxbir İ.Xəlilova / "Societe Generale" Fransa korporativ və investisiya bankı Azərbaycanın bank bazarına daxil olmaq planından imtina etməyib və o, bunu yaxın perspektivdə (bir-iki ilə) həyata keçirmək niyyətindədir, - cümə axşamı bankın Azərbaycanda regional nümayəndəsi Teybə Quliyeva deyib.
"Bankın Azərbaycana marağı qalır və hazırda bazarda bank qismində iştirak etməyin müxtəlif variantlarınəzərdən keçirilir", - Quliyeva dəqiqləşdirib.
"Societe Generale"ın strategiyasına əsasən, artıq fəaliyyət göstərən banklara daxil olarkən, o, səhmlərin nəzarət paketinə iddia edir. Bütün dünya bankları bunun tərəfdarıdır. MDB ölkələrində "Societe Generale"ın ən çox iştirakı Rusiya bank bazarında qeydə alınıb. Sonuncu saziş "Rosbank"da bağlanılıb, burada Fransa bankı üç mərhələdə səhmlərin 51 faizini əldə edib. Zaqafqaziyada ilk saziş Gürcüstanın "Republic Bank" bankı ilə imzalanıb, burada "Societe Generale" 70 faizlik iştirak əldə edib.
Bank Azərbaycan üzrə böyük əməliyyatları həyata keçirir, lakin ilk addım Gürcüstanın bank bazarına daxil olmağa atılıb, çünki bu ölkədə prosedurlar asandır və saziş sərfəli olub, - Quliyeva hesab edir.
Daha əvvəl Trend ın Azərbaycanın Milli Bankında (AMB) mənbəyə istinadən bildirdiyinə görə, "Societe Generale" hazırda Azərbaycanda törəmə bankın və ya filialın açılması məsələsinə baxır. Bank Azərbaycan bankında iştirakçı payının əldə edilməsi imkanlarını nəzərdən keçirsə də, tərəfdaş axtarışında cətinliklər yaranıb. Əksər Azərbaycan bankları nəzarət payının satılmasına razı deyil.
Azərbaycanın bank qanunıvericiliyinə əsasən, 100 faizlik törəmənin və filialın yaradılması tələbləri eynidir. Onların fəaliyyəti yerli qanunvericiliklə nizamlana bilər və hər iki halda 10 mln. manat kapitalın formalaşması mütləqdir.
Azərbaycanda "Societe Generale"ın nümayəndəliyi fəaliyyət göstərir. Onun iştirakı ilə bank həm özəl, həm də dövlət sektorunda layihələri gözdən keçirir.
"Societe Generale" Azərbaycan, Gürcüstan və Türkmənistanı əhatə edən regional nümayəndəliyi vasitəsilə,1998-ci ildənAzərbaycanda fəaliyyətini həyata keçirir.
Müəlliflə əlaqə saxlamaq üçün elektron ünvan - [email protected]
