Azərbaycan, Bakı, 23 fevral / Trend / Yanvarda Azərbaycanın nəqliyyat vasitələri ilə 1,76 mln. ton yük daşınıb, bu da 2007-ci ilin yanvar göstəricisindən 1,41 faiz azdır - Dövlət Gömrük Komitəsi bildirir.Yük ixracı 920 min ton, idxalı isə 846,3 min ton təşkil edib.
Komitənin məlumatında bildirilir ki, yanvarda dəniz nəqliyyatı ilə 48,5 min ton yük, dəmir yolu ilə 222,6 min ton, avtomobil yolu ilə 57,8 min ton, hava yolu ilə 0,2 min ton, boru kəməri ilə nəql isə 590,4 min ton təşkil edib.
Azərbaycan ərazisi ilə tranzitlə il ərzində 412,4 min ton yük daşınıb, bu da 2007-ci il göstəricisindən 3,2 min ton azdır.
Azərbaycandan İsveçrəyə tranzitlə 157,9 min ton, İtaliyaya - 103,9 min ton, Gürcüstana - 62,6 min ton Tacikistana - 20,5 min ton, Türkiyəyə - 31,1 min ton, İrana - 14,8 min ton, Rusiyaya - 14,9 min ton, Ukraynaya - 1,3 min ton, Türkmənistana - 3,9 min ton yük nəql edilib.