Azərbaycan, Bakı, 26 fevral/ " , müxbir İ.Xəlilova/ Azərbaycan hökuməti ilə BVF-in yaradılması haqqında Sazişin IV maddəsi üzrə məsləhətləşmələrin aparılması üçün Valeriya Fikerin başçılığı ilə Beynəlxalq Valyuta Fondunun (BVF) missiyası fevralın 26-da Bakıya (ilk dəfə olaraq) gəlib. Bu barədə çərşənbə axşamı BVF-in Bakı nümayəndəliyindən məlumat veriblər. (Əvvəllər ona BVF-in Yaxın Şərq və Mərkəzi Asiya üzrə Departamentinin (MCD) direktor müavini Vitali Kramarenko başçılıq edib).
Sabahdan etibarən fondun missiyası martın 12-dək davam edəcək işə başlayacaq. Bundan əlavə, missiyanın səfəri çərçivəsində 2007-ci ildə Azərbaycanın makroiqtisadi göstəriciləri həmçinin Azərbaycanın 2008-ci il üçün iqtisadi siyasəti və ortamüddətli perspektivdə müzakirə ediləcək.
Görüşlərin dövlət strukturları - İqtisadi İnkişaf, Vergilər nazirlikləri, Azərbaycan Milli Bankı, Dövlət Neft Fondu, Əhalinin sosial müdafiəsi üzrə Dövlət Fondu, Dövlət Statistika Komitəsi, Dövlət Neft Şirkəti ilə yanaşı, Azərbaycan Beynəlxalq Bankı, Azərbaycan Mikromaliyyələşdirmə Bankı, "Bank Standard", "Kapital Bank" və Azərbaycan Bankları Assosiasiyasında da keçirilməsi nəzərdə tutulub.
Ölkə hökuməti ilə IV maddə üzrə məsləhətləşmələr ildə bir dəfə BVF-ə üzv olan bütün ölkələrin hökumətlərində aparılır. Əsas məqsəd ölkə iqtisadiyyatının inkişaf perspektivləri üzrə hökumətin qısamüddətli və ortamüddətli qiymətləndirilmələrinin aparılması, struktur dəyişiklikləri üzrə planların müzakirəsidir. Missiyanın səfərinin yekunları üzrə adətən hesabat hazırlanır və nəzərdən keçirilmək üçün BVF-in İcraçı Direktorlar Şurasına təqdim edilir.
Artıq üçüncü ildir ki, Azərbaycan hökuməti IV maddə çərçivəsində məsləhətləşmələr səviyyəsində Valyuta Fondu ilə əməkdaşlıq edir. Buna görə səfərlər çərçivəsində proqram əsasında əməkdaşlıq perspektivlərinə demək olar ki, toxunulmur. Bundan əlavə, müxtəlif istiqamətlərdə BVF tərəfindən göstərilən texniki yardımın həcmi də artırılır.
Azərbaycan BVF-ə 1992-ci il sentyabrın 18-də qoşulub. Respublikanın fonddakı kvotası isə 160,9 mln. SDR ($248 mln.) təşkil edir. 2008-ci il yanvarın 1-nə Azərbaycanın fond qarşısında borcu $100,6 mln. təşkil edib. 2008-2012-ci illərdə Azərbaycan fonda əvvəllər alınan kreditlərin ödənilməsi üçün 55,96 mln. SDR ($88,9 mln) ödəyəcək.
2008-ci il fevralın 14-dən BVF-in Bakı nümayəndəliyinin yeni rəhbəri Koba Qvenetadze səlahiyyətlərinin icrasına başlayıb.
Məqalə müəllifinin ünvanı: [email protected]
