Azərbaycan, Bakı, 26 fevral/ " müxbir İ.Xəlilova/ Avropa Yenidənqurma və İnkişaf Bankı (AYİB) xarici bankların ölkənin bank bazarına daxil olmasına çıxış açmağı tövsiyə edir. Bu, Azərbaycan banklarının rəqabətqabiliyyətliliyini artırmağa imkan yaradacaq. Bu barədə bankın 2007-ci ildə keçid prosesi haqqında məruzəsinin təqdimatında AYİB-in aparıcı iqtisadçısı Erik Berqlof məlumat verib. [AMB 2004-cü ildən xarici kapitalın ölkə bazarına daxil olması limitini tamamilə ləğv edib].
Onun rəyinə görə, Azərbaycanda kifayət qədər bank var. Lakin onlardan bəziləri dominant mövqe tutur və bunun nəticəsində, kreditlərə olan dərəcələr yüksək səviyyədə saxlanılır. Lakin əcnəbi bankların gəlməsi bu bazarda rəqabəti azalda və dərəcələrin azalmasına səbəb ola bilər.
Avropa bankı ümumilikdə, ölkənin bank sektorunda islahatların keçirilməsinin gücləndirilməsini və Azərbaycan Milli Bankının nəzarət funksiyalarının təkmilləşdirilməsini vacib hesab edir. AYİB-n hesabatına görə, 2001- ci ildən 2007- ci ilədək dövrdə bank sistemində islahatlar indeksi 2,3 səviyyəsində qalıb. Buna baxmayaraq, bank göstəricilərinin strukturunda dəyişikliklər var: ümumi bank aktivlərində dövlət banklarına məxsus aktivlərin payı 58,3 faizdən 51 faizədək azalıb, əcnəbi kapitalın iştirak etdiyi banklarına aktivləri isə 4,6 faizdən 6,1 faizədək artıb.
"Dünya maliyyə böhranının Azərbaycana təsir etməməsi nəzərəçarpacaqdır", - Berqlof bildirib.
Bununla yanaşı, o hesab edir ki, böhranın nəticələri xarici kreditlərin şərtlərində [kreditlərə yüksək dərəcələr qoyulacaq] öz əksini tapacaq. Belə ki, yüksək riskə görə, MBD, Mərkəzi və Şərqi Avropanın bu regionu hissiyatlı hesab edilir.
Məqalə müəllifinin ünvanı: [email protected]
