Azərbaycan, Bakı, 27 fevral / Trend , müxbir İ.Xəlilova / Avropa Yenidənqurma və İnkişaf Bankı (AYİB) və Avropa İnvestisiya Bankı (AİB) Azərbaycanda nəqliyyat infrastrukturunun maliyyələşməsi imkanlarına baxmağa hazırdılar, - AYİB-in Bakı nümayəndəliyinin rəhbəri Fransis Delei deyib.
"Bizdə maliyyələşmənin limiti yoxdur və bu, əsasən, investisiya layihələririnin dəyərindən asılıdır. Mən hesab edirəm ki, uzunmüddətli əməkdaşlıq və maliyyələşdirmə bank üçün məqsədəuyğun olardı.
Bu yaxınlarda AYİB ölkə hökumətinə Bakı yollarının bərpa edilməsinə və Bakıdan Samuradək avtomagistralda qalan hissənin, Xaçmazdan Rusiya sərhədlərinədək hissənin yenidən qurulmasının maliyyələşməsinə dair təklifləri təqdim edib.
"Biz bu iki layihənin maliyyələşdirilməsinə maraq göstərdik, lakin hökumət başqa layihələr təklif etsə, onlara da baxmağa hazırıq", - nümayəndəliyin başçısı deyib.
Onun sözlərinə görə, Avrobank nəqliyyat layihələrində Avropa İnvestisiya Bankı (AİB) ilə iştirak etməyə hazırlaşır, bu da AYİB-in mandatına uyğundur. Bununla belə, xərclər bərabər bölünəcək. Lakin birgə maliyyələşdirmə yalnız AİB-in Azərbaycan hökuməti ilə çərçivə razılığının imzalanmasından sonra başlayacaq.
İlkin olaraq, onlar nəqliyyat layihələrinə $500 mln. təklif ediblər.
Müəlliflə əlaqə saxlamaq üçün ünvan: [email protected]