Azərbaycan, Bakı, 12 mart/ Trend müxbir İ.Xəlilova/ Azərbaycan hökuməti BVF-in kreditlərini vaxtından əvvəl ödəmək niyyətində deyil və onları qrafikə uyğun olaraq qaytarmağa davam edəcək. Bu barədə çərşənə günü Bakıda, BVF-in yaradılması haqqında Sazişin IV maddəsi üzrə hökumətlə məsləhətləşmələrin yekununa həsr olunmuş mətbuat konfransında fond missiyasının rəhbəri Valeriya Fikera məlumat verib.
Azərbaycan 1992-ci il sentyabrın 18-də BVF-ə qoşulub. Respublikanın fonddakı kvotası isə 160,9 mln. SDR ($248 mln.) təşkil edir. 2008-ci il yanvarın 1-ə olan vəziyyətə görə, Azərbaycanın fond qarşısında borcu $100,6 mln. təşkil edir. 2008-2012-ci Azərbaycan əvvəllər alınmış kreditlərin ödənilməsi çərçivəsində 55,96 mln. SDR ($88,9 mln.). ödəyəcək.
Ölkənin Valyuta Fondu qarşısında borcu artmaqda davam etməyəcək. Belə ki, Azərbaycan BVF-in makroiqtisadi sabitliyin dəstəklənməsini nəzərdə tutan Stand-by gələcək əməkdaşlıq proqramını təklif etməsinə baxmayraq, gələcək əməkdaşlıqda kredit almaqdan imtina edib. Lakin göründüyü kimi, hökumət məsləhətləşmələr əsasında əməkdaşlığa üstünlük verib.
"Hökumət BVF-dən maliyyə yardımı istəmir. Lakin fond ölkəyə texniki yardım göstərməkdə davam edir", - Fikera bildirib.
BVF kreditləri üzrə ödəmələr ölkənin Azərbaycan Milli Bankının sərəncamında olan valyuta ehtiyatlarından həyata keçirilir. Hökumət onları vaxtından əvvəl ödəmək niyyətində deyil. Belə ki, onların idarə edilməsi nəticəsində ölkə əlavə gəli əldə edir. Bu vəsaitlər illik 0,5 faiz dərəcə ilə alındığı halda xarici banklardakı valyuta depozitləri illik 2-2,5 faiz arasında dəyişir. Bundan əlavə fondun kredit ehtiyatlarının artıq yarıdan çoxu geri qaytarılıb.
Məqalə müəllifinin ünvanı: [email protected]
