Azərbaycan, Bakı, 17 mart / Trend / Qiymətli Kağızlar üzrə Dövlət Komitəsi tərəfindən "Azerigazbank" ASC-nin adi adlı sənədsiz səhmlərinin emissiya prospekti qeydə alınıb. Bu barədə Bakı Fond Birjasının (BFB) bazar ertəsi yayılan məlumatında bildirilir.
Emissiyanın həcmi 3.000.000 AZN təşkil edir, bir səhmin nominal dəyəri 2 AZN.
Emissiya prospektinə əsasən, yerləşdirmə kütləvi təklif üsulu ilə BFB vasitəsi ilə keçiriləcək. Səhmlərin yerləşdirilməsində anderrayter vəzifəsində çıxış edən təşkilat: "Standard Capital" MMC-dir.