Azərbaycan, Bakı, 02 aprel/ " müxbir İ.Xəlilova/ Qara dəniz İqtisadi Əməkdaşlıq Təşkilatının (QİƏT) xarici işlər nazirləri Şurası Ukraynanın sədrliyinin başa çatması ilə əlaqədar aprelin 17-də Kiyevdə toplaşacaq. Bu barədə çərşənbə günü Azərbaycanın xarici işlər nazirinin müavini Mahmud Məmmədquliyev məlumat verib. Bu görüşdə Azərbaycanı xarici işlər naziri Elmar Məmmədyarov və ya nazir müavini təmsil edəcək.
Növbəti yarımildə QİƏT-də sədrlik Albaniyaya keçəcək. Bundan əlavə, görüşdə Ukraynanın sədrliyi dövründə görüşlmüş işlər nəzərdən keçiriləcək.
Hazırda bu təşkilatın çərçivəsində regional inkişaf, layihələrin stimullaşdırılması və ötən ilin iyununda keçirilən sammitdə QİƏT-ə üzv ölkələr tərəfindən təşkilatın 15 illiyi ilə əlaqədar imzalanmış Əməkdaşlıq haqqında Sazişə müvafiq olaraq əlverişli iqlimin yaradılması məsələləri nəzərdən keçirilir.
Nazir müavini hesab edir ki, təşkilatın səmərəliliyinin artırılması və onun fəaliyyət baxımından sədrlik edən ölkədən asılı olmamasında QİƏT katibliyinin rolunun gücləndirilməsi tələb olunur. Bunun üçün katibliyi peşəkar hazırlıqlı mütəxəssislərlə komplektləşdirmək və onun hüquqlarını gücləndirmək lazımdır.
Maneələrin, QİƏT-in Nizamnaməsindəki çatışmazlıqların aradan qaldırılması, təşkilatın inkişafına mane olan prosedur məsələlərinin həlli vasitəsilə təşkilatın inkişaf etdirilməsi təklif edilir.
Azərbaycan ilk dəfə olaraq, QİƏT katibliyinin, o cümlədən baş katibin rolunu, yüksək vəzifəli şəxslərin statusunu gücləndirməyi və bir çox məsələləri xarici işlər nazirlərinin müzakirəsinə saxlamayaraq, həll edilməsi üçün onlara verilməsini təklif edib. Bundan əlavə, konsensusunun məhdud olması lazımdır. Belə ki, bu bəzən tormozlanmaya gətirir (QİƏT baş katibinin müavini iki ilə seçilib və bu da müəyyən prosedur məsələləri ilə bağlı olub).
Müəlliflə əlaqə saxlamaq üçün elektron ünvan: [email protected]
