Azərbaycan, Bakı, 02 aprel/ Trend / Azərbaycanın Mingəçevir şəhərində Cənubi Koreyanın Daewoo markalı avtobuslarının istehsalı imkanları bu gün Azərbaycanın nəqliyyat naziri Ziya Məmmədovun Cənubi Koreyanın İqtisadiyyat, Xarici İşlər,Ticarət, Torpaq, Nəqliyyat və Dəniz İşləri nazirliklərinin nümayəndə heyəti ilə görüşündə müzakirə edilib. Bundan əlavə, görüşdə Daewoo və KOLONG şirkətlərinin nümayəndələri iştirak ediblər.
Tərəflər Azərbaycanda nəqliyyatın intellektual idarəedilməsi sisteminin yaradılması, Bakı Beynəlxalq Dəniz Ticarət Limanın tikintisi, Quba-Şamaxı avtomobil yolunun tikintisi və şəhər avtonəqliyyatı üçün Daewoo avtobuslarının əldə edilməsi məsələlərini müzakirə ediblər.
Tərəflər Koreyanın Baş nazirinin bu ilin mayında Azərbaycana səfərinin gedişində müzakirə ediləcək sənədləri nəzərdən keçiriblər.
