Azərbaycan, Bakı, 05aprel / Trend , müxbir İ.Xəlilova / Azərbaycanın Əmlakın İdarə Edilməsi üzrə Dövlət Komitəsi "Salyan-pambıq" ASC-nin 30,04 faizlik səhmlərinin satışı ilə əlaqədar sərmayə müsabiqəsi elan edib. Bu barədə şənbə günü Dövlət Komitəsindən məlumat verilib.
Müsabiqə təkliflərinin qiymətləndirilməsi mayın 13-də keçiriləcək, özəlləşmə planı ilə tanışlıq və namizədlər tərəfindən ərizələrin təqdim edilməsi mayın 8-nə kimi davam edəcək.
Təkliflər paketində tədarükün genişləndirilməsi tədbirləri, pambıq məhsullarının işlənməsi və satışını nəzərdə tutan sərmayə proqramı olmalıdır. Bunun üçün sərmayəçilər yeni maşın və avadanlıqların əldə olunması, müəssisənin inzibati binasının təmiri, toxumların alışı və saxlanılması, yeni iş yerləri və işçilərin sosial təminatının yaradılması ilə bağlı təkliflər təqdim etməlidirlər.
Eləcə də dövlət büdcəsinə 200 min manat həcmində məbləğin köçürülməsi barədə məlumat olmalıdır. Namizədlər məqsədlərinin ciddiyyətini təsdiq etmək üçün hər hansı bankın 70 min manat həcmində zəmanət məktubunu təqdim etməlidir.
2008-ci il martın 1-dəki nəticələrə görə, "Salyan-pambıq"ın nizamnamə kapitalı 3,241 mln. manat təşkil edir. Müəssisə 1959-cu ildən istismara verilib və 274 nəfər işçi ştatı var.
SC-nin öhdəlikləri 1,069 mln. manatı təşkil edir ki, bundan mallar üzrə borcların, xidmət və işlərin payına 0,191 mln. manat düşür, maaşlar və ona bərabərləşdirilmiş borcların payına isə 0,01 mln. manat düşür. Müəssisənin debitor borcu 0,886 mln. manat təşkil edir.
Müəlliflə əlaqə saxlamaq üçün elektron ünvan: capital
