Azərbaycan, Bakı, 10 aprel/ " müxbir İ.Xəlilova/ Azərbaycan əhalisinin əmanətlərinin sığortalanması fondu (ADİF) öz vəsaitlərinin "AAA"-dan aşağı reytinqə malik olmayan xarici banklar və maliyyə institutlarının yüksəkreytinqli qiymətli kağızlarında yerləşdirməyə hazırlaşır. Bu barədə fondun icraçı direktoru Azad Cavadov məlumat verib. Bununla əlaqədar olaraq, vəsaitlərin idarə edilməsi üçün agentlərin seçimi aparılır. Broker şirkətləri agent kimi çıxış edə bilər. Alman ekspertlərinin yardımı ilə müvafiq prosedurlar hazırlanır.
Fondun vəsaitlərinin səmərəli şəkildə idarə edilməsi üçün bu gün vəsaitlər Maliyyə Nazirliyinin dövlət qısamüddətli istiqrazlarına yerləşdirilir. Bu istiqrazlar üzrə orta gəlirlilik 10 faiz təşkil edir. 2008-ci il yanvarın 1-nə olan daxilolmalar 3 640,381 manat olmaqla, bu gün DQİ-də 3,3 mln. manat yerləşdirilib.
"Fondun əsas məqsədi gəlir əldə etmək deyil, əmanətlərin sığortalanmasıdır. Lakin vəsaitlərin yüksəklikvidli qiymətli kağızlara yerləşdirilməsi sıfır səviyyədə riskin təmin edilməsi məqsədilə edilir", - Cavadov qeyd edib.
ADİF-ə əlavə daxilolmalar artıq xarici qiymətli kağızlara yönəldilə bilər. (ADİF-ə üzv banklar hər rübdə təqvim ödəmələri həyata keçirirlər). Fond rəhbərinin sözlərinə görə, hazırda ekspertlərlə birlikdə onların seçilməsi həyata keçirilir.
"Bu, vəsaitləri yerləşdirəcəyimiz qiymətli kağızların sahibi olan ölkələrin reytinqindən asılı olacaq, - Cavadov bildirib. - Bu, "AAA"-dan aşağı reytinqə malik olmamaqla, bank, iri şirkətlər və ya maliyyə institutları ola bilər".
Qanunvericiliyə əsasən, bank bütün bank əmanətlərinin 5 faizədək olan hissəsini və ya 50 mln. manat toplaya bilər. Fonda üzv banklarda (37 bank) fiziki şəxslərin əmanətlərinin portfeli 2007-ci ilin yekunlarına görə, 1 327,349 mln. manat təşkil edib.
Gələcəkdə bank əmanətlərinin artması ilə toplamaların limiti də arta bilər. Əmanətlərin illik artımı 40-60 faiz təşkil edir.
Azərbaycan Milli Bankının hazırki rəsmi məzənnəsi 0,83 AZN/USD təşkil edir.
Müəlliflə əlaqə saxlamaq üçün elektron ünvan: [email protected]
