Azərbaycan, Bakı, 21 aprel / " müxbir U.İsmayılova/ Mart ayında Bakının təkrar daşınmaz əmlak bazarında yaşayış sahəsinin bir kvadrat metrinin orta qiyməti fevrala nisbətdə 4,8 faiz azalıb və bir kvadrat metrə görə 1637 dollar təşkil edib. Bu barədə bazar ertəsi "Əmlak bazarı iştirakçıları" İctmai Birliyindən məlumat verilb.
Mart ayında bazarda bağlanan müqavilələrin sayı da azalıb.
Təşkilatdan verilən məlumata görə, bazarda qiymətlərin azalması təkliflərin çoxalması və tələbatın azalması səbəbindən baş verib.
Martda Bakının daşınmaz əmlak bazarında təxminən beş min mənzil təklif olunub. Mənzil təkliflərinin əksəriyyəti Bakının Nəsimi (20 faiz), Yasamal (20 faiz) və Nərimanov (18,8 faiz) rayonları üzrə olub.
Müəlliflə əlaqə saxlamaq üçün elektron ünvan : [email protected]
