Azərbaycan, Bakı, 25 aprel / " müxbir Ü.İsmayılova/ Rusiyanın iri sığorta şirkəti olan ROSNO-nun Bakı nümayəndəliyi əsasən tikilən yol və körpülərin tikinti quraşdırma işlərinin risklərinin sığortalanması ilə məşğul olmaq niyyətindəir. Bu barədə cümə günü ROSNO Baş direktorunun birinci müavini Dmitri Popov nümayəndəliyin açılışında çıxış edərkən bildirib.
"Şirkətin ölkədə müşahidə olunan tikinti bumunda ehtiyac duyulan tikinti quraşdırma risklərini sığortalamaq üçün imkanı var" - deyə Popov bildirib.
Azərbaycan Nəqliyyat Nazirliyi may ayının əvvəlində Bakı şəhərində iki iri yol ötürücüsü istismara vermək niyyətindədir. Babək və Məhəmməd Hadi küçələrində kəsişən körpü istismara veriləcək ("Xalqlar Dostluğu" metro stansiyasnın yanı). May ayında eləcə də, "Ekselsior" mehmanxanasının yanında yerləşən yol ötürücüsünün istifadəyə verilməsi nəzərdə tutulub. Sentyabra qədər metronun "Əzizbəyov" stansiyası yaxınlığında tikilən körpülər istifadəyə veriləcək.
ROSNO-nun təsisçisi 2007-ci ilin fevral ayında şirkət səhmlərinin 97 faizini əldə edən "Allianz SE" şirkətidir. ROSNO Bakıda nümayəndəliyinin açılması üçün aprelin 15-də Azərbaycan Vergilər Nazirliyində qeydiyyatdan keçib.
Müəlliflə əlaqə saxlamaq üçün elektron ünvan: capital
