2009-cu ildə Azərbaycanda vergi dərəcələrinin azaldılması təklif edilir
Azərbaycan, Bakı, 28 aprel/ Trend müxbir İ.Xəlilova/Azərbaycan hökuməti mayın 15-də parlamentə, 2009-cu il üçün Vergi Məcəlləsinə dəyişikliklər və əlavələr layihəsini təqdim etməyə hazırlaşır. Bu həmin layihəni birinci yarımildə qəbul etmək məqsədilə ediləcək. Bu barədə bazar ertəsi Maliyyə Nazirliyindən məlumat veriblər.
"Bu büdcə proqnozlarının müzakirə və təsdiqi prosesini yüngülləşdirəcək, həmçinin vergi ödəyicilərinə vergi qanunvericiliyində baş verən dəyişikliklərlə vaxtında tanış olmaq imkanı yaradacaq", - nazirlikdəki mənbə qeyd dib.
Maliyyə Nazirliyi, bu həftənin sonunadək özünün layihə variantını müzakirəyə çıxartmaq niyyətindədir. Maliyyə və Vergilər Nazirlikləri növbəti ildə vergi inzibatçılığının təkmilləşdirilməsi ilə yanaşı mənfəət və əlavə dəyər vergiləri dərəcələrinə yenidən baxmağı təklif edirlər. İlkin məlumatlara görə, mənfəət vergisi üzrə indiki 22 faizdən 20 faizədək, ƏDV üzrə isə hazırki 18 faizdən 17 faizədək azalma təklif edilir.
"Düzdür, mənfəət vergisi dərəcələrinin azaldılması bu prosesin dövlət büdcəsi gəlirlərinə təsiri üzrə hesablamalardan asılı olacaq", - nazirlikdən bildiriblər.
1
ƏDV-nin azaldılması hələ 2008-ci ildən təklif edilib. Lakin, son nəticədə ilkin olaraq bu vergi üzrə inzibatçılığın təkmilləşdirilməsi və bu ildən əlavə dəyərə vergisi depozit hesabından daxilolmaların toplandığı vahid xəzinədarlıq hesabının aparılmasına dair tədbirlərin görülməsi qərara alınıb. Bu verginin növbəti illərdə azaldılması vahid xəzinədarlıq hesabının tətbiqinin effektliliyindən asılı olacaq.
Maliyyə və Vergilər Nazirliklərinin rəhbərliyi bu sistemin işinin ilkin nəticələrinə dair razılıqlarını bildiriblər və buna görə, 2009-cu ildən ƏDV dərəcəsini 1 faiz azaltmaq təklif edilib.
Vergilər Nazirliyi tərəfindən aparılan araşdırmalara görə, Azərbaycan iqtisadiyyatında hazırki vergi iqlimində optimal ƏDV dərəcəsi 14-15 faiz təşkil edir.
Vergi orqanlarının digər vergi növləri üzrə təkliflərində dərəcələrin azaldılması təklif edilmir. Lakin, Maliyyə Nazirliyində gəlir vergisi şkalasına dəyişikliklərin ediləcəyi ehtimalını istisna etmirlər. Hazırda gəlir vergisi üzrə ən yüksək dərəcə (35 faiz) ilə vergi qoyulan maksimal məbləğ 2000 min manat təşkil edir. Onun minimal məbləğinə isə minimal dərəcə - 14 faiz üzrə vergi qoyulur. Lakin bu məbləğin 2000 manatadək 2009-cu ildən, 2500 manatadək isə 2010-cu ildən çatdırmaq planlaşdırılırdı. Əsas irəli sürülən şərt, bu tendensiyaya əməl edilməsi və paralel olaraq, digər sosial tədbirlərin, xüsusilə də sosial sığorta üzrə tədbirlərin görülməsi olub.
Azərbaycanda vergi dərəcələri üzrə sonuncu dəyişikliklər 2006-cı ildə edilib. Mənfəət vergisi üzrə dərəcələr 24 faizdən 22 faizədək azaldılıb. Gəlir vergisi üzrə maksimal 35 faiz dərəcə ilə vergi qoyulan gəlirin məbləği 600 manatdan 2000 manatadək artırılıb (2008-ci ildən).
Müəlliflə əlaqə saxlamaq üçün elektron ünvan: [email protected]
