Azərbaycan, Bakı, 29 aprel/ Trend , müxbir İ.Xəlilova/ Azərbaycan hökuməti Əhalinin Sosial Müdafiəsi Dövlət Fondunun 2008-ci il üçün büdcəsinin gəlir və xərc hissəsini 1 268 648 min manatdan 1 405 515 manatadək artırmağı planlaşdırır. Bu barədə çərşənbə axşamı hökumətdən məlumat veriblər.
Fondun gəlirlər strukturunda məcburi sosial sığorta üzrə ödəmələri 917,148 mln. manatdan (346257,5 min manat dövlət, 512673,5 min manat qeyri-dövlət ödəyicilərindən) 1 019,015 mln. manatadək (müvafiq olaraq 409 min manat və 542 315 min manat) artırmaq təklif edilir. Dövlət büdcəsindən ƏSMDF-ə transfertlər 350 mln. manatdan 385 mln. manatadək artacaq.
Məxaric maddələri üzrə əhaliyə ödəmələr üçün 1 213 476,5 min manat (bundan 1179 856,5 min manat əmək pensiyasına) ayrılıb ki, bu məbləği 1 348 513,5 manatadək artırmaq təklif edilir. Fondun inzibati xərcləri 18,7 mln. manatdan 19,7 mln. manatadək artacaq, beynəlxalq layihələrdə iştirak payının ödənilməsi isə əvvəlki səviyyədə - 415 min manat səviyyəsində qalacaq.
Dövlət Fondunun büdcəsinə dəyişikliklər layihəsində 2008-ci il yanvarın 1-nə ƏSDMF-in mərkəzi apparatı və yerli orqanlarının hesablarındakı 1 975 min manat məbləğində qalığı fondun 2008-ci il üçün xərclərinin maliyyələşdirilməsinə yönəltmək təklif edilir.
ƏSMDF büdcəsinin yenilənmiş proqnozları artıq ölkə parlamentinin təsdiqinə verilib və onun mayın 2-də müzakirə ediləcəyi gözlənilir.
Aprelin 29-na olan cari məzənnə 0,8288 AZN/USD
Müəlliflə əlaqə saxlamaq üçün elektron ünvan: [email protected]
