Azərbaycan, Bakı, 02 may / " müxbir U.İsmayılova/ İnflyasiyanın mövcudluğu ölkə iqtisadiyyatında canlanmanın göstəricisidir. Bu barədə Trend a Parlamentin İqtisadi siyasət məsələləri Komissiyasının rəhbəri Ziyad Səmədzadə bildirib.
"İnflyasiya ölkənin iqtisadi artım səviyyəsini əks etdirən obyektiv prosesdir", - deyə Səmədzadə bildirib.
Azərbaycanın Statistika üzrə Dövlət Komitəsinin məlumatına görə, yanvar-mart aylarında inflyasiyanın səviyyəsi illik hesablamalar üzrə 16,5 faiz təşkil edib. Əvvəllər Azərbaycan hökuməti inflyasiyanın bütün 2008-ci il ərzində 10 faiz təşkil edəcəyini proqnozlaşdırmışdı.
Səmədzadənin sözlərinə görə, Azərbaycanda hazırkı iqtisadi artım və sərmayə fəallığı inflyasiyanın bir rəqəmli səviyyəyə düşməsinə imkan vermir.
"2008-ci ildə Azərbaycanda inflyasiya ikirəqəmli olacaq", - deyə Səmədzadə bildirib.
Müəlliflə əlaqə saxlamaq üçün elektron ünvan : capital
