Azərbaycan, Tovuz, 02 may/ Trend , müxbir Q.Raqifqızı/ Tovuzda bu il 40 min tondan çox buğda istehsal etmək planlaşdırılır ki, bu da ötən ilki məhsuldan iki dəfə çoxdur. Bu barədə cümə günü Tovuz rayon icra başçısının aqrar məsələlər üzrə müavini Niftalı Qasımov məlumat verib..
"Bu il Tovuzda buğda səpini sahəsi 9,3 min ha təşkil edib və məhsuldarlığın artırılması üçün Rusiyadan gətirilmiş toxum növlərindən istifadə olunub", - o bildirib.
Qasımov Tovuzun və bir neçə ətraf rayonun əhalisinin çörəyə olan təlabatının əldə olunan məhsulla ödəniləcəyini bildirib.
Bu il Azərbaycanda 2,3 mln. ton buğda istehsalı proqnozlaşdırılır.
Bu gün ölkə 600 min ton taxıl ehtiyatına malikdir. Ölkənin taxıla olan illik tələbatı 3 mln. Ton təşkil edir. Bunun 1,5 mln. tonu ərzaq taxılının payına düşür.