Azərbaycan, Bakı, 02 may/ Trend / Mayın 2-də Bakı Fond Birjasında Maliyyə Nazirliyinin 10302120S saylı dövlət qeydiyyatından keçmiş qısamüddətli dövlət istiqrazlarının əlavə yerləşdirilməsi üzrə hərrac keçirilib. Bu barədə Birjanın cümə günü yayılan məlumatında deyilir.
1 investor tərəfindən təqdim edilən sifarişin nominal üzrə məbləği 4 504 800 manat təşkil edib. Sifariş 94.88% (gəlirlik 11.00%) qiymətdə təqdim edilib. İstiqraz vərəqələrinin rəqabətli sifariş üzrə kəsmə qiyməti - 94.88% (gəlirlik 11.00%) orta ölçülmüş qiymət - 94.88% (gəlirlik 11.00%) səviyyəsində Maliyyə Nazirliyi tərəfindən müəyyən edilib.
İstiqrazların nominal üzrə reallaşdırılmış həcmi 4 504 800 manat məbləğində müəyyən edilib.
İstiqraz vərəqələrinin ödəmə tarixi 28 Oktyabr 2008-ci ildir.