Azərbaycan, Bakı, 08 may/ Trend , müxbir İ.Xəlilova/Azərbaycan prezidenti Azərbaycanın 2008-ci il dövlət büdcəsinə edilən düzəlişləri təsdiqləyib. Bu düzəlişlərə əsasən, dövlət büdcəsi defisiti 576,6 mln. manatadək və ya ÜDM-in 1,8 faizinədək azalıb.
Dövlət büdcəsinin gəlirləri 2007-ci il ərzində faktiki göstəricilərə nisbətdə74,5 faiz, 2008-ci ilin əvvəlki proqnozlarına nisbətdə 41,8 faiz artaraq 10 484 mln. manat, xərclər isə 11 060,6 mln. manat (müvafiq olaraq, 81,7 faiz və 29,8 faiz) səviyyəsində təsdiq edilib.
Dövlət büdcəsinin əlavə gəlirləri dörd istiqamətdə formalaşdırılacaq. Maliyyə Nazirliyi üçün vergi toplanması üzrə proqnoz 7,6 faiz (380 mln. manat) - 5,380 mlrd. manatadək, Dövlət Gömrük Komitəsi üçün 0,9 faiz (10 mln. manat) - 1,110 mlrd. manatadək, Dövlət Neft Fondundan transfertlər - 2,7 mlrd. manat artırılaraq 3,8 mlrd. manatadək, büdcə təşkilatlarının pullu xidmətlərindən daxilolmalar üzrə 1,5 mln. manat artırılaraq, 137,5 mlrd. Manata çatdırılacaq.
Dövlət büdcəsinin gəlir strukturunda gəlir vergisi üzrə proqnozlar 750 mln. manatdan 795 mln. manatadək, mənfəət verigisi üzrə - 2 280 mln. manatdan 2 450 mln. manatadək, vergi orqanları xətti üzrə ƏDV-dən daxilolmalar üzrə - 1 725 mln. manatdan 1 885 mln. manatadək, Azərbaycan ərazsində malların idxalı zamanı alınan ƏDV - 745 mln. manatdan 755 mln. manatadək, vergiolmayan gəlirlər üzr proqnozlar isə 203 mln. manatdan 218 mln. manatadək artırılıb.
Düzəlişlər nəticəsində, büdcə xərcləri ÜDM-in 34 faizini təşkil edəcək. Əlavə xərclər cari büdcə ehtiyacları xərclərinin 983 mln. manat (38,1 faiz), kapital investisiyalarının - 1,542 mlrd. manat (60,7 faiz), xarici borcun ödənilməsi - 17 mln. manat (0,2 faiz), diplomatik xidmətlərin saxlanılması - 3 mln. manat, Beynəxalq Maliyyə Təşkilatlarında üzvlük haqlarının ödənilməsi - 2,8 mln. manat artırılması hesabına təmin ediləcək.
Dövlət kapital investisiyaları 4,326 mlrd. manatadək artacaq. Hüquq-mühafizə orqanlarının saxlanılması üçün əlavə xərclər 4,8 mln. manat artacaq. Kapital investisiyalar maddəsi üzrə 1,5 mlrd. manat məbləğində əlavə vəsait energetika proqramı, Bakının elektrik təchizatının yaxşılaşdırılması, avtomobil yollarının yenidən qurulması, Bakı metropoliteni üçün vaqonların alınması, Xəzər Dəniz Gəmiçiliyinin kapitallaşdırılması layihələri, güc strukturlarının infrastruktur layihələrinin və s. reallaşdırılması üçün nəzərdə tutulub.
Ölkənin müdafiə potensialının gücləndirilməsi üçün əlavə olaraq 276 mln. manat ayrılıb və bu məqsədlər üçün xərclər 1, 344 mlrd. manata, sosial müdafiə üçün isə 9,9 faiz artırılaraq 814,25 mln. manata çatacaq.
Mayın 8-ə olan rəsmi məzənnə 0,8292 AZN/USD
Müəlliflə əlaqə saxlamaq üçün elektron ünvan: [email protected]
