Azərbaycan, Bakı, 12 may/ Trend , müxbir İ.Xəlilova/ Türkiyənin "Citibank anonim şirkəti"nin Azərbaycandakı nümayəndəliyinin rəsmi açılışının bu günlərdə keçirilməsi gözlənilir. Bu barədə bazar ertəsi Azərbaycan Milli Bankı idarə heyətinin sədr müavini Rüfət Aslanlı məlumat verib. Citibank-ın nümayəndələri bu məsələlərin müzakirəsi üçün ötən həftə Bakıda olublar.
"Bank təşkilati məsələlərin həllini başa çatdırır. Ötən həftə Citibank-ın Bakı nümayəndəliyi üçün heyətin komplektləşdirilməsi başa çatıb, - Aslanlı qeyd edib. O, fəaliyyətə hazırdır".
Amerika bankı Türkiyə ofisi vasitəsilə Azərbaycanda öz nümayəndəliyini açıb. Citibank ötən ilin noyabrında AMB-ə müraciət edib və Milli Bankın İdarə Heyəti 2008-ci il fevralın 18-də bankın Azərbaycanda nümayəndəlik açmasına razılıq verib.
Citibank ölkədə geniş planlara malikdir və nümayəndəliyin filiala çevrilməsilə, bir müddət sonra bank əməliyyatlarının həyata keçirilməsinə hazırdır.
Bu gün respublikada iki bankın nümayəndəliyi fəaliyyət göstərir - Latviyanın Parex Bank-ı və Almaniyanın Commerz Bank-nın nümayəndəlikləri.
Xarici banklar tərəfindən Azərbaycanın maliyyə bazarına daxil olmağa maraq böyükdür. Fransanın Societe General, Rusiyanın VneshtorgBank-ı [o, artıq AMB-ə müraciət edib] yerli banklarda iştirak payının alınmasında maraqlı olduqlarını bildiriblər, Gürcüstanın TBC Bank-ı isə, SOA Credit bank olmayan kredit təşkilatının səhmlərinin 75 faizinin alınması üzrə saziş bağlayıb.
Hazırda Azərbaycanda 46 bank fəaliyyət göstərir. Onlardan 21-də xarici kapital iştirak edir.
Müəlliflə əlaqə saxlamaq üçün elektron ünvan: [email protected]
