Azərbaycan, Bakı, 12 may/ Trend , müxbir İ.Xəlilova/ Asiya İnkişaf Bankı (AİB) Azərbaycanda yol layihələri üçün 2007-ci ilin sentyabrında $500 mln. dəyərində təsdiq edilmiş multitranş paketin (Multitranche Financing Facility - MFF) qalan vəsaitlərinin istifadəsi üzrə Azərbaycan hökuməti ilə məsləhətləşmələrə başlayır. Bu barədə bazar ertəsi, AİB-in Bakı nümayəndəliyindən məlumat veriblər. Bununla əlaqədar olaraq, növbəti həftənin əvvəlində, AİB-in Azərbaycandakı nəqliyyat layihələri üzrə yeni kuratoru Don So Pyo (Doong So Pyo) Azərbaycana gəlir. Əvvəllər bankda bu vəzifəni yol layihələri üzrə aparıcı iqtisadçı Xonq Vanq tutub.
AİB MFF vəsaitlərinin hesabına Yevlax-Gəncə və Qazax - Gürcüstan sərhədi qərb-şərq avtomagistralının sahələrinin yenidənqurma layihəsinin bahalaşmasını maliyyələşdirməyə hazırdır. İlkin qiymətləndirmələrə görə, Gəncəətrafı yolların tikintisinə əlavə olaraq $50-60 mln. ayrıla bilər.
Layihənin bahalaşması onunla bağlıdır ki, o, 2005-ci ildə hazırlanıb. Belə ki, iki il ərzində tikinti materiallarının qiyməti artıb və müvafiq olaraq əlavə xərclərə zəmin yaranıb.
Uzunluğu 88,8 km olan birinci sahə -- Yevlax-Gəncə sahəsinin ümumi dəyəri 58,7 mln. dollar təşkil edir. Onlardan 10,4 mln. dollar İslam İnkişaf Bankının, 11 mln. dollar Səudiyyə İnkişaf Fondunun, 24 mln. dollar AİB və 13,3 mln. isə Azərbaycan hökumətinin payına düşür. Uzunluğu 38,8 km olan ikinci sahə Qazax-Gürcüstan sərhədi 30 mln. dollar məbləğində qiymətləndirilir. O, AİB - in 28 mln. dollarlıq krediti və Azərbaycan payı (2mln.dollar) hesabına maliyyəlşdiriləcək.
AİB-in krediti iki hissədən ibarətdir - yolların yenidən qurulması və sərhədyanı servis komponentlərinin maliyyələşdirlməsi. Birinci komponentə adi kredit ehtiyatlarından $49 mln. kredit ( dörd illik güzəştli mərhələ ilə 24 ilə və illik libor+1 faiz dərəcəsi ilə) , ikinciyə isə Asiya İnkişaf Fondundan 8 ili güzəştli dövr olmaqla, 32 il müddətinə $3 mln. kredit ayırılır. Güzəştli dövr ərzində illik faiz dərəcəsi 1 faiz, qalan dövrdə isə 1,5 faiz olacaq.
Layihə 127 km uzunluğunda və ona aid 77 km ( 39 km lik Yevlax və Gəncə avtomobil yolu, eləcə də Qazaxdan Qırmızı Körpüyə olan 38 km avtomobil yolu ) uzunluğunda olan yolların təkmilləşdirilməsini nəzərdə tutur. O, 2003-cü ildə 37 faizi yoxsulluqda yaşayan 700 min əhalisi olan yeddi rayonu əhatə edir. Bu ərazilərdə, həmçinin, 87 min məcburi köçkün və qaçqın yaşıyır ki, onlar da agentlik və hökumətdən asılı vəziyyətdə yaşayırlar.
Layihənin reallaşdırılması nəticəsində nəinki yollar bərpa ediləcək, həm də avtomobil nəqliyyatı sahəsində islahat və idarəçilik qanunvericiliyi təkmilləşdiriləcək , Azərbaycan-Gürcüstan sərhəddindən giriş-çıxış sadələşədiriləcək (Qırmızı Körpüdən). Bu, yeni iş yerlərinin açılması və təhsil sahəsi, səhiyyə və b. sahələrdə xidmətlərin əlverişli istifadəsi baxımından çox vacibdir. Layihənin reallaşdırılması Azərbaycanın tranzit ölkə kimi rəqabətqabiliyyiyətliliyini artıracaq.
MFF çərçivəsində Asiya Bankı hazırda Masallı-Astara avtomagistralının bərpasına 200 mln. dollar ayrılmasına razılıq verib.
Mayın 12-ə olan rəsmi məzənnə 0,8283 AZN/USD.
Müəlliflə əlaqə saxlamaq üçün elektron ünvan: [email protected]
