Azərbaycan, Bakı, 14 may/ Trend , müxbir E.İsmayılov/ Azərbaycanın Nəqliyyat Nazirliyinin "Azəryolservis" ASC-i yaxın aylarda "Ziya Büniyadov" prospekti və "Abdulvahab Salamzadə" küçəsində yerüstü piyada keçidlərini istismara verməyi planlaşdırır. Bu barədə çərşənbə günü "Azeryolservis"dən məlumat veriblər.
"Azeryolservis" yaxın vaxtlarda "Alov" zavodu qarşısında, üçüncü mikrorayon bazarı qarşısında (yerüstü), Zərdabi küçəsində (yeraltı) və zərurət yarandığı halda, Məşədi Əzizbəyovun heykəlinə yaxın yol ayrıcısında daha dörd piyada keçidinin tikintisinə başlamağı planlaşdırır.
Bir müddət əvvəl, "Tbilisi" prospektində, Fövqəladə Hallar Nazirliyinin binası qarşısında yerüstü piyada keçidinin tikintisi üzrə işlər başlayıb.
Müəlliflə əlaqə saxlamaq üçün elektron ünvan: [email protected]
