Özbəkistan, Daşkənd, 30 may / Trend , müxbir T.Jukov/ "Uzbek karakuli" ("Özbək qaragülçəsi") dövlət şirkəti 2008-ci ildə qaragülçə tədarükü ixracını 2007-ci ilin 1,5 mln. dollarına nisbətdə 2,2 mln. dollaradək artırmaq niyyətindədir. Bu barədə Trend -a şirkətin xarici iqtisadiyyat fəaliyyəti idarəsindən məlumat verilib.
Rusiya, Belarus, Ukrayna, Almaniya və Skandinaviya ölkələri şirkətin əsas müştəriləridir. Şirkətin qaragülçəsini kiçik həcmdə Qazaxıstan, Azərbaycan və Lixtenşteyn əldə edir.
"Uzbek karakuli"nin məlumatına görə, 2007-ci ildə ümumi ixrac həcmində Azərbaycanın payı 4 faizdən az təşkil edib. Bu il dörd müqavilə bağlanıb və Azərbaycana tədarük payı 7 faizə qədər təşkil edəcək.
"Uzbek karakuli" dövlət şirkəti sistemində 105 ixtisaslaşdırılmış qaragülçə qoyunçuluq təsərrüfatı, qaragülçə emalı üzrə iki sənaye müəssisəsi - "Buxara qaragülçəsi" Açıq Tipli Səhmdar Cəmiyyəti və "Keles jun" MMC fəaliyyət göstərir. "Uzbek karakuli" 2,5 mln. başdan çox qaragülçı qoyunu yetişdirir.
Qaragülçə qoyununun yetişdirilməsi üzrə təsərrüfat xüsusi rəngə məxsus və quzu yunu tipli istehsal üzrə ixtisaslaşıb. Respublikada 29 tayfa təsərrüfatı var, burada hər il fermer təsərrüfatları və əhali tərəfindən 10 mindən çox qaragülçə qoyunu və 30 min qaragülçə quzusu yetişdirilir və reallaşdırılır.
Sahə proqramına müvafiq olaraq, Özbəkistanda qaragülçə qoyunlarının ümumi miqdarının 2010-cu ilədək 2,7 mln. başa qədər artırılması nəzərdə tutulub, qaragülçə quzu dərisi istehsalının 800 min ədədə qədər, qaba yunun isə 4 min tona qədər artırılması planlaşdırılır. Respublika Dövlət Statistika Komitəsinin məlumatına görə, 2007-ci ildə qaragülçə istehsalı 780,4 min ədəd təşki edib ki, bu da 2006-cı ilin göstəricisindən (726,8 min ədəd) 7,4 faiz çoxdur.
Məqalə müəllifi ilə əlaqə ünvanı: [email protected]
