...

Yapon bankı Azərbaycandan su layihəsi çərçivəsində vergi güzəştlərindən imtina edib

Biznes və iqtisadiyyat xəbərləri Materials 2 İyun 2008 17:09 (UTC +04:00)

Azərbaycan, Bakı, 02 iyun/ Trend , müxbir İ.Xəlilova/ Azərbaycan hökuməti və Yaponiya Beynəlxalq Əməkdaşlıq Bankı (JBİC) iyunun sonunadək Azərbaycanın on şəhərində su təchizatı və kanalizasiya sistemininin təkmilləşdirilməsi üzrə layihənin dəyərini konkret müəyyənləşdirmək niyyətindədirlər. Bu barədə bazar ertəsi hökumətdən məlumat veriblər. Bankın missiyasının bir müddət əvvəl Bakıya səfəri zamanı, JBİC layihənin reallaşdırılması üçün əvvəllər təklif edilən $260 mln. əvəzinə, $200 mln. ayırmağa razılığını bildirib.

Maliyyələşdirmənin həcminin azaldılması "Azərsu" Səhmdar Cəmiyyətinin Dünya Bankının su layihəsinə daxil edildiyi üçün, rayonlardan birinin - Şamaxının layihədən çıxarılması barədə planları ilə bağlıdır.

Bununla yanaşı, hökumət və bank kredit sazişi çərçivəsində müzakirə edilən vergitutmanın şərtləri üzrə razılığa gəliblər. Yapon bankı əvvəlki variantda layihə çərçivəsində həyata keçirilən tədarükləri və işləri ƏDV-nin ödənilməsindən azad etməyi təklif edirdi. Lakin Azərbaycan tərəfinin təkidi ilə bu tələb götürülüb. Bu şərt danışıqlarda problemlər yaradırdı. Belə ki, o, Milli Qanunvericiliyə ziddir. [2008-ci ildən beynəlxalq kreditlər çərçivəsində həyata keçirilən işlər, xidmətlər və mallar ƏDV-nin ödənilməsinə cəlb edilib.]

Yapon bankı krediti üç şərt əsasında ayırmağa hazırdır. Layihənin su təhcizatı sisteminin bərpasına yönələn hissəsi illik 1,3 faiz (kreditin yenlə ifadə olunduğu nəzərə alınmaqla), kanalizasiya - 0,4 faiz, məsləhət xidmətləri və treninqlər isə illik 0,1 faiz dərəcə üzrə maliyyələşdiriləcək. Ümumilikdə vəsaitlər, 10 il güzəştli dövr olmaqla, 40 il müddətinə təklif edilib. Hökumət danışıqlar zamanı layihənin su hissəsi üçün kredit dərəcəsini yumşaltmağı xahiş etmək niyyətindədir. Belə ki, bu vəsaitlər dollar ekvivalentində ölkəyə illik 7-8 faizə başa gələcək.

Layihənin texniki-iqtisadi əsaslandırılması Tokio Engineering/ASP Konsorsiumu tərəfindən altı şəhər üzrə - Şamaxı, Salyan, Neftçala, Bərdə, Quba və Əli Bayramlı (hazırki Şirvan) şəhərləri üzrə hazırlanıb. Lakin bank layihəni 10-dək genişləndirməyə razılaşıb.

Su təchizatı sisteminin təkmilləşdirilməsi suburaxıcının tikintisini, təmizlənməi, şəhərədək nəqletməni və paylaşdırılmanı, kanalizasiya sistemi üzrə nəqletmə, təmizlənmə və tullanmanı nəzərdə tutur.

Layihə üzrə fiziki işlərə oktyabrda başlamaq planlaşdırılıb.

İyunun 2-nə olan rəsmi məzənnə - 0,8201 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti