Azərbaycan, Bakı, 06 iyun / Trend , İ.Xəlilova/ Beynəlxalq Maliyyə Korporasiyası (BMK) Azərbaycan Milli Bankının (AMB) nəzdində fəaliyyət göstərən Mərkəzləşdirilmiş Kredit Reyestrnın (MKR) inkişafına texniki yardım göstərməyə başlayıb. Bu haqda Azərbaycan Respublikasında layihənin rəhbəri Teymur Heybətov bildirib. BMK-nın eksperti AMB-nin hazırladığı qanun layihəsinin ekspertizasını aparıb və öz şərhini verib.
MKR-ə dəstək Azərbaycan və Mərkəzi Asiyada lizinq inkişafının texniki yardım layihəsinə daxil edilmişdi. Mayın 21-24-də Praqada BMK dəstəyi ilə təşkil olunan regional konfransda Çexiya və Qırğızıstanının kredit bürolarının fəaliyyəti ilə tanışlıq üçün şərait yaradılıb. Azərbaycan kredit reyestrnın təqdimatını da keçirib. Çexiyanın "CCR" kredit reyestrinin işi və kredit büroları üçün proqram təminatının tədarükçüsü - Credit Info Solutions-un işi ilə yerindəcə tanışlıq olub.
Heybətovun sözlərinə görə, AMB MKR-ın inkişaf strategiyası və prioritetlərinin müəyyənləşdirilməsini təsdiq etdikdən sonra, BMK yardım istiqamətlərini konkretləşdirmək niyyətindədir. Yardım qanunvericiliyin hazırlanmasına, məsləhətçilərin cəlb olunmasına, treninqlərin keçirilməsinə istiqamətləndirilə bilər.
MKR 2005-ci ilin martında ÜB-nin "Azərbaycanın maliyyə sektoruna texniki yardım" layihəsi çərçivəsində təsis olunub. Kredit reyestri bankların kredit risklərinin idarəetmə alətlərindən biridir. Hazırda Milli Bank sahə əhatəsini genişləndirmək vasitəsilə, reyestrşn təkmilləşdirilməsi üzərində işləyir. Hazırda MKR-dən yalnız banklar istifadə edir, lakin kredit reyestrinin tam avtomatlaşdırılmasından sonra istifadəçi dairəsi genişlənə bilər. On-line rejiminə keçid vasitəsilə sənəd dövriyyəsi və reyestrin operativliyini yüksəltmək üçün tədbirlər artıq keçirilib.
Milli Bankın strategiyasına görə, gələcəkdə MKR kommersiya banklarının idarəsinə veriləcək. MKR-in kommersiya əsasına keçməsi kredit reyestrinin inkişafı üzrə tədbirlərin həyata keçirilməsindən sonra baş verəcək. AMB-də hesab edirlər ki, MKR 1,5-2 il ərzində səmərəli və gələcəkdə Milli Bank xaricində institutlaşdırılmış inkişaf üçün hazır ola bilər. Bu, AMB-nin strateji məqsədidir, bu da kredit reyestr sistemində yaxşılaşma və təkmilləşmədən, həmçinin, bankların öz hazırlığından asılıdır. Hələ ki, MKR xidməti beynəlxalq ekspertlərin təklifi üzrə AMB-nin nəzdində ayrı fəaliyyət göstərən strukturdur.
İyunun 6-na olan rəsmi məzənnə 0,8193 AZN/USD təşkil edir
Müəlliflə əlaqə saxlamaq üçün elektron ünvan: [email protected]
