Azərbaycan, Bakı, 06 iyun/ Trend , müxbir İ.Xəlilova/ Azərbaycanın Beynəlxalq Bankı beynəlxalq banklar sindikatı ilə ABB-yə həcminə görə, ölkənin bank sektorunun tarixində presedentsiz olan $173,5 mln. kreditin verilməsi haqqında kredit sazişi imzalayıb.
Sindikatlaşdırmanın əsas səlahiyyətli təşkilatçılaır rolunda Standard Bank, RZB, Uni Credit və Bayern LB çıxış edib.
ABB tərəfindən ilkin sindikatlaşdırmanın məbləğinin $80 mln. səviyyəsində (vəsaitlərin iki tranşla, 12 və 18 aya alınması ilə) elan edilməsinə baxmayaraq, sərmayədarların banka maraqlarının artması nəticəsində, sazişin məbləği $173,5 mln. təşkil edib. Bununla yanaşı, müxtəlif bankların sazişdəki payları $1 mln.-dan $12,5 mln. -dək dəyişir. Faiz dərəcəsi 12 aylıq tranş üçün ildə libor+1,1 faiz, 18 aylıq tranş üzrə isə illik libor+1,4 faiz təşkil edib.
Bu sindikatlaşdırılmış kredit dövlət zəmanətləri verilmədən cəlb edilib. Bank cəlb olunmuş vəsaitlərdən istifadədə tamamilə azaddır və vəsaitləri Azərbaycan iqtisadiyyatının müxtəlif sahələrində layihələrin maliyyələşdirməsinə yönəldə bilər.
Bankda hesab edirlər ki, iştirakçı bankların (28 bank) çox sayda olması, həmçinin sərmayədarların geniş çoğrafiyası (dünyanın 15 ölkəsindən - Almaniya, İngiltərə, Avstriya, Yaponiya, ABŞ, Hollandiya, Yunanıstan, Çin, BƏƏ, Fransa, İtaliya, Türkiyə, Bəhreyn və Latviyadan olan banklar), şübhəsiz, qərb sərmayədarları tərəfindən ABB-yə yüksək etibara dəlalət edir. Xarici sərmayədarların banka yüksək etibar səviyyəsinin sübutu kimi onu nəzərə almaq lazımdır ki, saziş qlobal maliyyə böhranı şəraitində bağlanılıb.
ABB-nin xaricdən vəsait cəlb etməsinin tarixi hələ 2001-ci ildən başlanğıcını götürür. O zaman bank Azərbaycanda birinci olaraq $10 mln. məbləğində sindikatlaşdırılmış kredit cəlb edib. Bank 2005,2006, 2007-ci illərdə müvafiq olaraq $56 mln. (19 bankdan ibarət sindikat). $130 mln. (25 bankdan ibarət sindikat) və $140 mln. (26 bankdan ibarət sindikat) məbləğində üç yeni iri sindikatlaşdırılmış kredit cəlb edib. ABB 2007-ci ildə milli bank sektorunun tarixində ilk dəfə olaraq $100 mln. məbləğində subordinasiya edilmiş kredit cəlb edib.
Müəlliflə əlaqə saxlamaq üçün elektron ünvan: [email protected]
