Azərbaycan, Bakı, 07 iyun / Trend , müxbir U.İsmayılova/ Cari ilin aprel ayına nisbbətdə mayda Bakıda daşınmaz əmlakın qiymətləri iki faiz, alqı-satqı üzrə sövdələşmələrin sayı 1,5 faiz artıb. Bu barədə şənbə günü "MBA group" konsaltinq şirkətindən məlumat verilib.
İlin əvvəlindən Bakıda daşınmaz əmlakın qiymətləri 20,1 faiz, 2007-ci ilin analoji dövrünə nisbətdə isə 33,4 faiz artıb.
May ayında ilkin bazarda bir kvadrat metr aperel ayına nisbətdə orta hesala 0,6 faiz, təkrar bazarda isə 0,2 faiz bahalaşıb.
Son iki ay ərzində daşınmaz əmlakın kapitallaşma müddəti 15,9 faiz azalıb. Bazarın gəlirlilik əmsalı ilin əvvəlində qeyd alınan 0,46 faizdən 0,42 faizə qədər azalıb. Bakının daşınmaz əmlak bazarının fəallığı ilin əvvəlindən 11,2 faiz, təkrar bazarda isə 17,8 faiz artıb.
İlin əvvəlindən daşınmaz əmlakın ekspozisiya müddəti 7,1 faiz azalıb və bütün bazar üzrə orta hesabla 121,1 gün təşkil edib.
May ayında Bakıda bir kvadrat metrə görə qiymət göstəricilərinə dair cədvəl:
| Binaların layihəsi | Mayda bir kvadrat metrə görə $-la | Ay ərzində artım %-lə | İl ərzində artım %-lə |
| Arxitektura | 2637 | 0,8 | 47,8 |
| Axundov lay. | 2062 | 0,1 | 46,2 |
| Eksperimental lay. | 1997 | 0,1 | 44,9 |
| İtalyan lay. | 1655 | -3,2 | 45,6 |
| Kiyev lay. | 1526 | 1,5 | 41,4 |
| Leninqrad lay. | 1677 | -0,6 | 44,4 |
| Minsk lay. | 1605 | 0,8 | 35,0 |
| Moskva lay. | 1565 | 0,3 | 36,3 |
| Alman lay. | 1623 | -3,2 | 29,9 |
| Stalin lay. | 2092 | -2,6 | 39,3 |
| Fransa lay. | 1649 | 2,7 | 46,7 |
| Xruşov lay. | 1952 | -1,4 | 37,3 |
| Xüsusi | 1709 | 1,0 | 51,8 |
| Yeni tikili (təmir edilmiş) | 1550 | 1,3 | 38,6 |
| Yeni tikililər (təmirsiz) | 1100 | -1,6 | 40,8 |
| Bakı üzrə orta hesabla | 1834 | 0,2 | 46,8 |
Məqalə müəllifi ilə əlaqə ünvanı: capital
