Azərbaycan, Bakı, 09 iyun / Trend / Azərbaycanda yanvar-may aylarında daxili pərakəndə satış üzrə mal dövriyyəsi 4,1 mlrd. manat təşkil edib ki, bu da ötən ilin analoji dövr göstəricisi ilə müqayisədə 14,7 faiz çoxdur. Bu haqda Azərbaycan Dövlət Statistika Komitəsi məlumat verib.
Pərakəndə satış üzrə ümumi dövriyyədən 15,6 faiz hüququ şəxlərin, 45,8 faiz - təşkil olunmuş yarmarka və bazarlar zamanı fiziki şəxlərin və yalnız 38,6 faiz özəl sahibkarların payına düşüb.
İlin əvvəlindən əhaliyə 2,7 mlrd. manatlıq - ərzaq məhsulları, 1,4 mlrd. manatlıq - qeyri-ərzaq məhsulları satılıb, bu da müvafiq olaraq 10,5 və 26,1 faiz çoxdur.
Əhaliyə 1,151 mlrd. manat və ya 29,5 faiz çox ödənişli xidmət göstərilib.
Göstərilən xidmətlərin 79,2 faizi hüquqi şəxslərin, 20,8 faizi fiziki şəxslərin payına düşüb, müvafiq olaraq artım 36,5 və 8,3 faiz təşkil edib.
