Azərbaycan, Bakı, 09 iyun/ Trend Cap , müxbir İ.Xəlilova/ "Azərbaycan İnvestisiya Şirkəti" (AİŞ) Koreyanın STX şirkəti ilə Azərbaycanda gəmiqayırma zavodunun tikintisi layihəsinin yeni texniki-iqtisadi əsaslandırılmasının hazırlanması mövzusunda danışıqlar aparır. Bu barədə bazar ertəsi Azərbaycan İnvestisiya Şirkəti (AİŞ) icraçı direktorunun müavini Riad Qasımov məlumat verib.
Onun sözlərinə görə, Azərbaycan Dövlət Neft Şirkətinin dərin özüllər zavodunun ərzisində tikiləcək zavodun yerinin dəyişdirilməsi ilə əlaqədar, layihənin konsepsiyasına yenidən baxılıb. Əvvəllər zavodun Ələt qəsəbəsində yerləşməsi imkanları müzakirə olunurdu.
ARDNŞ, Azərbaycan İnvestisiya Şirkəti və Koreyanın STX şirkəti arasında mayın 19-da Azərbaycanda gəmiqayırma zavodunun tikintisi haqqında memorandum imzalanıb. Azərbaycan Dövlət Neft Şirkətinin layihədə iştirak payı 65 faiz, AİŞ - 10 faiz, STX Shipbuilding Co., Ltd. isə 25 faiz təşkil edib.
Yay ərzində TİƏ-nin hazırlanmasını başa çatdırmaq planlaşdırılır. Qasımov Xəzər Dəniz Gəmiçiliyi ilə onun layihəyə qoşulmasına dair danışıqların bərpa olunmasının mümkünlüyünü istisna etməyib.
"Bu, layihənin dəyərindən asılı olacaq, - AİŞ direktor müavini bildirib. - Yeni konsepsiya üzrə zavodun artıq mövcud infrastruktun bazasında tikilməsi nəzərdə tutulduğu üçün, layihənin dəyəri ilkin qiymətləndirmələrə nisbətən ucuzlaşacaq".
Mövcud TİƏ variantına əsasən, yeni zavodun tikintisi $400 mln.-a başa gəlirdi (limanın tikintisinə çəkiləcək xərclər nəzərə alınmadan).
İlkin mərhələdə zavodun idarə edilməsi və yeni texnologiyaların implementasiyasını STX həyata keçirəcək. Qasımov sonradan bir neçə il ərzində idarəsinin əsas səhmdara - ARDNŞ-ə veriləcəyini söyləyib.
Zavod ən yaxşı halda tikintinin başlamasından 3-4 il sonra istismara veriləcək. Tikintinin bu il başlaması planlaşdırılıb. Obyektin 2011-ci ildə istismara verilməsi nəzərdə tutulub.
Gəmiqayırma zavodu Azərbaycanın Qaradağ rayonunda yeni neft terminalı və limanın tikintisi layihəsinə qarşılıqlı əlavə olacaq. Bu terminal vasitəsilə, sonradan Bakı-Tbilisi-Ceyhan kəmərilə Avropaya tranzit üçün, Qazaxıstan nefti nəql ediləcək. Qazaxıstan tankerləri Xəzər regionun digər gəmiləri kimi, AR-nın gəmiqayırma zavodundan təmir edilə bilərlər. Güman edilir ki, regionda analoji müəssisə olmayacaq və gəmilərin tikintisi üçün sifarişlər həm ölkənin daxili, həm də xaricdən qəbul ediləcək.
Hazırda 250-dən çox gəmisi olan Xəzər Dəniz Neft Donanması ARDNŞ-nin balansındadır. Bütün bu gəmilər ölkənin Dövlət Neft Şirkətinin dəniz əməliyyatlarının dəstəklənməsi ilə məşğul olurlar. Donanmanın gəmiləri Xəzərin Azərbaycan şelfində və ondan kənarda işləyən iri xarici şirkətlərin dəniz əməliyyatlarının dəstəklənməsində iştirak edirlər. Ekologiya və Təbii Sərvətlər Nazirliyi (əsasən tədqiqat gəmiləri), Dövlət Sərhəd Xidmətinin gəmiləri azdır, həmçinin, balıqçılıq gəmiləri var.
Azərbaycan Dövlət Xəzər Dəniz Gəmiçiliyi Xəzərdə yük və sərnişin daşınmalarını həyata keçirən gəmilərə malikdir. Bu gün Xəzər Dəniz Gəmiçiliyinin nəqliyyyat donanmasının tərkibinə 86 gəmi daxildir. Onlardan 41-i tanker donanması (1 sudaşıyan daxil olmaqla), 35-i quru yük donanması, 10-u yardımçı gəmidir. Donanmanın tərkibində Ro-Ro tipli unverisal gəmilər, dəmiryol-sərnişin bərələri var.
İyunun 9-a olan rəsmi məzənnə - 0,8169 AZN/USD.
Müəlliflə əlaqə saxlamaq üçün elektron ünvan: [email protected]
