Azərbaycan, Bakı, 11 iyun/ Trend müxbir İ.Xəlilova/ Azərbaycan hökuməti ilk dəfə Naxçıvan ictimaiyyəti üçün su təchizatı və kanalizasiya sisteminin yaxşılaşdırılması sahəsində beynəlxalq maliyyə institutlarının vəsaitləri hesabına reallaşdırılan layihələrin təqdimatını keçirib. Bu barədə çərşənbə günü Nazirlər Kabinetindən məlumat veriblər. Tədbir iyunun 10-da keçirilib.
"Layihələr ilk dəfə olaraq son istehlakçıların problemləri haqqında da məlumat almaq üçün onların müzakirəsinə təqdim olunub", - hökumətdəki mənbə qeyd edib.
Hazırda NMR-də su təchizatı və kanalizasiya sisteminin bərpası üzrə işlər Asiya İnkişaf Bankı və Dünya Bankının layihələri çərçivəsində aparılır. Bu layihələrin 2010-cu ildə başa çatdırılmasının planlaşdırıldığına baxmayaraq, hökumət bu müddəti 2009-cu ilə keçirmək məqsədilə işləri sürətlənməsi üçün səy göstərmək niyyətindədir.
AİB-in "Ağdaş, Göyçay və Naxçıvanda su təhcizatı və sanitar xidmətlər sisteminin yaxşılaşdırılması" layihəsinin dəyəri $39,9 mln. təşkil edir. Asiya bankı layihənin reallaşdırılması üçün $30 mln. ayırıb, qalan $9,9 mln. isə, hökumətin payına düşür. Hazırda layihənin bahalaşması ilə əlaqədar, onun texniki-iqtisadi əsaslandırılmasının əlavə qiymətləndirilməsi aparılır.
DB 22 rayonu, o cümlədən NMR-in beş şəhərini əhatə edən su layihəsi üçün iki mərhələdə $490 mln. ayırıb (2007-ci ildə birinci mərhələdə $230 mln., 2008-ci illdə ikinci mərhələdə isə $260 mln.-nın ayrılması təqdir edilib).
DB-nin ekspertlərinin qiymətləndirməsinə görə, Azərbaycanın kiçik şəhərlərində su təchizatının keyfiyyəti və kanalizasiya infrastrukturunun vəziyyəti onların dəstəklənməsi üçün məhdud kapital yatırımlarıilə bağlı, eləcə də uzun müddətdir istimar olunduğundan, qənaətbəxş deyil. Bu obyektlərin vəziyyəti ictimai sağlamlığa mənfi təsir göstərir və ekoloji vəziyyətin aşınması riskini artırır.
DB-nin layihəsi üç komponentdən ibarətdir.
- 20 kiçik şəhərdə su tədarükü sisteminin reabilitasiyası və genişləndirilməsinə sərmayə yatırılmasını nəzərdə tutur
- Abşeron yarımadasında infrastruktura gələcək sərmayələr layihəsinin hazırlanmasını nəzərdə tutan Böyük Bakının regional inkişaf planının tərtib edilməsi
- İnstitusional inkişaf "Azərsu" SC və onun bölmələrinin, həmçinin, "NMR-in Meliorasiya və Su İdarəsi" Dövlət Agentliyinin müasirləşdirilməsi üçün zəruri olan əsas islahatların reallaşdırılmasına dəstək göstərəcək.
Müəlliflə əlaqə saxlamaq üçün elektron ünvan: [email protected]
