Azərbaycan, Bakı, 17 iyun / Trend , müxbir U.İsmayılova / Azərbaycanın iri sığorta şirkətlərindən biri - "Pasa Sigorta" nizamnamə kapitalını 4 mln. manatdan 9 mln. manatadək artırıb. Bu barədə çərşənbə axşamı şirkətin baş direktoru Nofəl Rzayev bildirib.
"Səhmdarların hesabına artırılan nizamnamə kapitalı tamamilə ödənilib", - deyə Rzayev bildirib.
Kapitalın artırılmasından sonra "Pasa Sigorta" nizamnamə kapitalı dərəcəsi üzrə Azərbaycanın 10 qabaqcıl sığorta şirkətləri arasında ikinci yerdə qərarlaşıb.
Ümumi cədvəl onluğa daxil olan Azərbaycanın qabaqcıl sığorta şirkətlərinin kapitallaşma dərəcəsini göstərir:
| Sığorta şirkəti | Nizamnamə kapitalı mln. manatla |
| "Xalg Sigorta" | 10,68 |
| "Pasa Sigorta" | 9 |
| "MSK" | 8,8 |
| "Standard Insurance" | 8 |
| "AIG Caspian" | 3,5 |
| "Azersigorta" | 3 |
| "MBASK" | 2 |
| ATA Sığorta | 2 |
| "Star Alyans" | 1,96 |
| "A-Group" | 1,55 |
"Pasa Sigorta" şirkəti Azərbaycanın sığorta bazarında 2006-cı ildən fəaliyyət göstərir. Şirkət 29 sığorta növü üzrə xidmətlər təklif edir. Sığorta şirkəti 2007-ci ildə "Moody International Certification Services"dən idarəetmə üzrə keyfiyyət sertifikatı alıb. Azərbaycan Maliyyə Nazirliyinin məlumatına əsasən, yanvar-mart aylarının yekunlarına görə, şirkətin sığorta haqları 1,40 mln. manat, ödəmələri isə 0,08 mln. manat təşkil edib.
Müəlliflə əlaqə saxlamaq üçün elektron ünvan: [email protected]