Azərbaycan, Bakı, 20 iyun / Trend , S.Babayeva / İyulda Bakıda intellektual mülkiyyət üzrə beynəlxalq konfrans təşkil olunacaq. Bu barədə cümə günü Azərbaycan Standartlaşdırma, Metrologiya və Patent üzrə Dövlət Agentliyinin Baş direktoru Ramiz Həsənov bildirib. "İntellektual mülkiyyət və iqtisadi inkişaf" konfransın mövzusudur.
"Azərbaycanın iqtisadi inkişafını hər kəs müşahidə edir və məhz bu səbəbdən, biz İntellektual Mülkiyyət üzrə Ümumdünya Təşkilatına ("WIPO") konfransı Bakıda keçirilməsini təklif etdik", - deyə o bildirib.
Dövlət Agentliyinin rəhbəri bildirib ki, konfransın keçirilməsi vaxtı iyulun 16-17-nə təyin olunub. Konfransda 50-60 ölkədən mütəxəssislərin iştirakı gözlənilir.
Azərbaycan Standartlaşdırma, Metrologiya və Patent üzrə Dövlət Agentliyi 1995-ci ilin dekabrından "WIPO"-nun üzvüdür.
Müəlliflə əlaqə saxlamaq üçün ünvan: [email protected]