Azərbaycan, Bakı, 23 iyun/ Trend , müxbir E.İsmayılov/ Azərbaycanın Dövlət Neft Şirkəti və "Qorki adına Zelenodolski zavodu" ASC gəmiqayırma müəssisəsi ilə gəmilərin alınmasına dair müqavilənin sentyabradək imzalanması planlaşdırılır. Bu barədə bazar ertəsi Baş direktorun müavini, zavodun strateji inkişaf və marketinq üzrə direktoru Larisa Kaşina məlumat verib.
Kaşina bildirib ki, hazırda proses danışıqlar mərhələsindədir. Sazişin dəyəri açıqlanmır.
ARDNŞ -nin alacağı gəmilərin sayı hələ dəqiq müəyyən edilməsə də, Kaşinanın sözlərinə görə, onların sayı "üç istehsal istiqaməti üzrə, hər birində ən azı dörd ədəd olacaq".
Onların işçi briqadaların qazma platformalarına daşınması, həmçinin, sərnişin yükləri üçün nəzərdə tutulmuş gəmilər olacağı gözlənilir. Gəmilərin güman edilən tutumu 60-dək insan və 26-60 ton yükdür.
Rusiyanın mərkəzində, Volqada yerləşməsi "Qorki adına Zelenodolski zavodu"na, daxili su yolları ilə Qara, Xəzər, Baltik, Şimal dənizi hövzələrinin istənilən regionuna gəmilərin tədarükünü həyata keçirməyə imkan verir.
ASC - nin texniki-istehsal bazası müasir gəmiqayırma istehsalının bütün növlərini əhatə edən, müxtəlif kiçik və orta sinifli gəmilər tikməyə imkan verən sexlər kompleksindən ibarətdir.
Müəlliflə əlaqə saxlamaq üçün elektron ünvan: [email protected]
