Azərbaycan, Bakı, 23 iyun / Trend , müxbir U.İsmayılova/ "Qrand Taksi" Bakı özəl dispetçer xidməti ilk dəfə olaraq koorporativ müştərilərinə bədbəxt hadisələrdən pulsuz sığorta təklif edir. Bu barədə bazar ertəsi şirkətin direktoru Şahin Qarayev bildirib.
Bakıda gün ərzində "Mercedes-Benz C-class", "Nissan-Sunny" və "Opel-Vectra" markalı avtomobillərdə gediş 50 manata başa gəlir. Minimal gediş haqqı ( 5 km - dək) 3 manat, adi gediş haqqı 1 km -ə görə 0,6 manat, yolda dayanacaq dəqiqəsi 0,05 manat, bir saatlıq gediş (saatda 15 km -dən çox olmamaqla) - 10 manat, Bakı beynəlxalq aeroportunadək gediş 20 manat, aeroporta və geriyə gediş 30 manat, aeroportda qarşılanma 25 manatdır.
"Taksi sifariş edən müştəri, məsafədən asılı olaraq, yalnız gediş haqqını ödəyəcək, sığorta məbləği və bədbəxt hadisələrdən polislərin ödənməsini isə, şirkət reallaşdıracaq", - deyə Qarayev bildrib.
"Qrand Taksi" Bakı dispetçer xidməti aprel ayından pulsuz sığorta təklif edir. Şirkət Azərbaycanın ən iri sığorta şirkətlərindən biri olan "MBASK" ilə müqavilə bağlayıb. Bu bank da, əsasən, koorporativ müştərilər üzrə ixtisaslaşıb.
Bu günədək "Qrand Taksi" taksilərində hələ ki, bədbəxt hadisə baş verməyib.
Qarayev bildirib ki, koorporativ müştərilər üçün sığortanın tam tətbiqindən sonra, şirkət əhali ilə də işləməyə başlayacaq.
Azərbaycanın Nəqliyyat Nazirliyindən əvvəllər verilən məlumata görə, nazirlik özəl nəqliyyat müəssisələrinə müasir taksi əldə etmək üçün sövdələşmələrin təşkilində yardım göstərir. Bununla əlaqədar olaraq, il ərzində Bakıya taksi qismində istifadə olunmaq üçün min "Mersedes E-klass" markalı avtomobil gətiriləcək.
Nəqliyyat Nazirliyindən bildiriblər ki, bu taksilər də radio stansiyası vasitəsi ilə çağırış sistemi üzrə işləyəcək və sərnişinləri sığortalayacaq.
Güman edilir ki, yeni növlü nəqliyyat vasitələrinin istismara verilməsi əhaliyə göstərilən xidmətlərin keyfiyyətini qaldırmağa, taksi kimi istifadyə yararlı olmayan avtomobil nəqliyyatlarının istismardan çıxarılmasına imkan yaradacaq. Bu avtomobillər rahat olmamaqan başqa, problemlər yaradır və ətraf mühiti çirkləndirir.
"Belə təcrübədən istifadə gələcəkdə taksi sərnişinlərinin bədbəxt hadisələrdən sığortalanmasına dair xüsusi Qanunun qəbul olunmasına da səbəb ola bilər", - deyə nazirlikdən bildiriblər.
Hazırda Azərbaycanda avtovətəndaş məsuliyyətinin icbari sığortası, şəhərlərarası və beynəlxalq səfərlərə şamil edilən icbari sərnişin sığortası fəaliyyət göstərir.
"Sərnişinlərin şəhər daxilində icbari sığortalanması yoxdur, buna görə də, bu növ sığortanın tədricən tətbiq edilməsi Azərbaycanın sığorta bazarının keyfiyyətinin yaxşılaşmasına və inkişafına yardım edəcək", - deyə Azərbaycan Maliyyə Nazirliyinin Dövlət Sığorta nəzarəti şöbəsinin müdiri Namiq Xəlilov bildirib.
"Qrand Taksi" Bakı dispetçer xidməti 2005-ci ilin əvvəlində, nağd və nisyə hesablaşma ilə, sərnişin daşımalarının həyata keçirilməsi üçün yaradılıb.
Məqalə müəllifi ilə əlaqə ünvan: [email protected]