Azərbaycan, Bakı, 25 iyun / Trend , müxbir E.İsmayılov/ Bakıda yerləşən yeni beynəlxalq avtovağzal kompleksinin oktyabr ayında istifadəyə verilməsi planlaşdırılır. Bu barədə çərşənbə günü Azərbaycanın nəqliyyat naziri Ziya Məmmədov bildirib.
Bu avtovağzal beynəlxalq, şəhərlərarası və paytaxt üzrə sərinişindaşımanı təmin edəcək. Bununla yanaşı, bura həm tranzit sərnişin, həm də Bakıya gələn və gedən sərnişinlərin sərbəst dincəlməsi mümkün olacaq böyük mərkəzdir. Kompleksin ərazisində otel və ticarət mərkəzi nəzərdə yerləşəcək.
Avtovağzal kompleksinin tikinti layihəsinin podratçısı "Bakı XXI əsr" şirkətidir. Bu analoqu olmayan kompleksin tikintisinə 2004-cü ilin mayında başlanıb. Onun ümumi sahəsi 164 min kvadrat metr təşkil edir. Bu avtovağzal şimal istiqaməti üzrə və beynəlxalq marşrutlar ilə Bakıya gələn sərnişinlərə xidmət göstərmək üçün nəzərdə tutulub.
Yeni kompleks sutkada 18-20 min sərnişinə (800-950 avtobus) xidmət göstərə biləcək. Avtovağzalın yeraltı hissəsində 720 yerlik avtomobil dayanacağı, birinci və ikinci mərtəbələrdə təxminən 1500 ticarət obyekti, üçüncü mərtəbədə avtobus platforması və məişət xidməti obyektləri yerləşəcək.
Məqalə müəllifi ilə əlaqə ünvanı: [email protected]
