Azərbaycan, Bakı, 04 iyul/ Trend , müxbir U.İsmayılova/ Azərbaycanın ən iri banklarından olan "Azərdəmiryolbank" əməkdaşlarının tibbi sığortası üzrə iki sığorta şirkəti ilə müqavilə imzalayıb, - cümə günü şirkətdən bildiriblər.
"Azərdəmiryolbank"da tibbi sığortalanma dörd proqrama bölünüb. Onlardan üçü A-GROUP-un keçirəcəyi top-menecmentin, yüksək menecmentin, orta dərəcəli menecmentin daxil olduğu "VİP", "Gold", "Silver" proqramlarıdır.
"Azərdəmiryolbank"ın heyəti (310 nəfər) "Business" proqramı üzrə "Paşa Sığorta"da sığorta ediləcək, - boyük sığorta şirkətinin direktoru Nofəl Rzayev deyib.
Azərbaycan sığorta bazarında 1995-ci ildən fəaliyyət göstərən A-GROUP 19 sığorta xidmət növü üzrə xidmət göstərir. Onlardan biri məcburidir. Şirkətin Nizamnamə kapitalı 1,55 mil. manat təşkil edir. İlkin rübün nəticələrinə görə, şirkət 1,4 mil. manat sığorta haqqı yığıb. A-GROUP-un əsas daxil olmaları sığorta haqqı həcmi 1,3 mil. manat təşkil edən könüllü tibbi sığortalanmadan olub.
"Paşa Sığorta" şirkəti Azərbaycan sığorta bazarında 2006-cı ildən fəaliyyətdə göstərir və 29 sığorta növü üzrə xidmət göstərir. Şirkət 2007-ci ildə "Moody International Certification Services"dən idarəetmə keyfiyyəti sertifikatını alıb. Şirkətin Nizamnamə kapitalı 9 mil. manatdır. İlkin rübün nəticələrinə görə, şirkət 1,45 mil. manat sığorta haqqı yığıb.