Azərbaycan, Bakı, 04 iyul / Trend , müxbir E.İsmayılov/ İlkin hesablamalara görə, Naxçıvan Muxtar Respublikası da daxil olmaqla, bütün Azərbaycan ərazisi üzrə kanalizisiya sisteminin yaradılması və bərpası üçün təxminən 1,3 mlrd. dollar tələb olunur. Bu barədə cümə günü "Azərsu" Açıq tipli Səhmdar Cəmiyyətinin rəhbəri Nizaməddin Rzayev bildirib.
Hazırda Azərbaycan bölgələrinin 15-20 faizində kanalizasiya sistemi var. Bakıda bu rəqəm 70-80 faiz təşkil edir. Rzayev bildirib ki, Bakının rayon və kəndlərində əhalinin 70-80 faizinin kanalizasiya sistemii yoxdur.
2008 - ci ildə Bakı və Azərbaycanın digər şəhər və rayonlarının su və kanalizasiya sistemi ilə təminatını yaxşılaşdırmaq üçün 115,4 km su kəməri, 59,8 km kanalizasiya xətti çəkiləcək, 150 min su sayğacı quraşdrılacaq, 10 min kubmetrlik su anbarları tikiləcək, sutkalıq 235 min kub metr gücündə 4 kanalizasiya təmizləyici qurğu quraşdırılacaq.
Bakıda 500 min abunəçidən cəmi 200-ü sayğacla təmin edilib. Bu il daha 150 sayğacın quraşdırılması, gələn il isə, bu istiqamətdə işlərin başa çatdırılması planlaşdırılır. Rzayev bildirib ki, Azərbaycanın bütün rayonlarının sayğacla təmin edilməsi beynəlxalq maliyyə institutları ilə müqavilələr çərçivəsində həyata keçiriləcək.
Məqalə müəllifi ilə əlaqə ünvanı: capital
